नाशिक : आयुक्तालयातील पोलीस ठाण्यांमधील गुन्हे शोध पथकात आता महिलाही

नाशिक : महिला सक्षमीकरण म्हणजे काय, या प्रश्नाचे उत्तर प्रत्येकाचे वेगळे असू शकते. बऱ्याचदा एखादी जोखमीची जबाबदारी महिलांना देतांना द्विधा मनस्थिती होते. मात्र नाशिक पोलीस आयुक्त संदीप कर्णिक यांची कार्यशैली यास अपवाद ठरली आहे. पोलीस तपासात महत्वपूर्ण मानल्या जाणऱ्या गुन्हे शोध पथकात (डीबी) महिला अंमलदाराची नियुक्ती करत महिला सक्षमीकरणाकडे पाऊले टाकण्यास सुरूवात केली आहे.

आणखी वाचा

पुणे : नवीन सात पोलीस ठाण्यांमध्ये वरिष्ठ पोलीस निरीक्षकांची नियुक्ती

१७ ऑक्टोबर पंचांग: धनसंपत्ती की प्रचंड यश, गुरुवारी…

शहरातील धूळ प्रदूषणावर मात्रा; वसई विरार महापालिकेची ‘फॉग कॅनन’ यंत्रणा लवकरच कार्यरत

मालमत्ता कर थकवणाऱ्या अंधेरीतील विकासकाच्या तीन गाड्यांचा लिलाव

हाताने मैला उचलणाऱ्या सफाई कामगारांचे महापालिका सर्वेक्षण करणार; विभागीय कार्यालयाच्या ठिकाणी नोंदणी करण्याचे आवाहन

अटल सेतूवरून होणाऱ्या आत्महत्या रोखण्यासाठी आयआयटीची घेणार; ‘एमएमआरडीए’ लवकरच तज्ज्ञांची समिती स्थापन करणार

नवी मुंबई : वरच्या मजल्यांवरील घरे महाग? सिडको महागृहनिर्माण सोडतीमधील अंतिम धोरण लवकरच, खासगी विकासकांप्रमाणे निर्णय

‘आरटीओ’तील संपात मध्यस्थ तेजीत! नागरिकांकडून राजरोस जादा पैशांची लूट सुरू; अधिकारी बघ्याच्या भूमिकेत

पोलीस ठाण्यांमध्ये महिला अंमलदारांची नियुक्ती असली तरी त्यांना महत्त्वाची जबाबदारी दिली जात नाही. आयुक्त संदीप कर्णिक यांनी पोलीस ठाण्यांअंतर्गत असलेल्या गुन्हे शोध पथकांमध्ये (डीबी) महिला पोलीस अंमलदारांचा समावेश करण्याचे आदेश दिले आहेत. त्या आदेशानुसार, आयुक्तालय हद्दीतील १३ पोलीस ठाणे आणि एका पोलीस चौकीच्या गुन्हे शोध पथकात महिला अंमलदारांची नियुक्ती करण्यात आली आहे. पोलीस ठाण्यांमध्ये स्वतंत्र गुन्हे शोध पथक असते. या पथकामार्फत पोलीस ठाण्याच्या हद्दीतील गुन्हेगारीसह गुन्ह्यांची उकल, गुन्ह्यांचा शोध घेतला जातो. अवैध धंद्यांविरोधात कारवाई केली जात असते. या पथकामध्ये प्रामुख्याने पुरुष पोलीस अंमलदारांचीच मक्तेदारी राहिली आहे. आतापर्यंत गुन्हे शोध पथकात महिला पोलीस अंमलदारांचा समावेश करण्यात आलेला नव्हता.

आणखी वाचा-नाशिक : चौक मंडईतील आगीत ४० पेक्षा अधिक वाहने खाक

आयुक्त कर्णिक यांनी महिला पोलीस अंमलदारांनाही ठाण्यातील महत्त्वाच्या जबाबदारीची संधी मिळावी. त्यांनाही गुन्ह्यांचा तपास, शोध यांची माहिती व्हावी, यासाठी महिला पोलीस अंमलदारांना गुन्हे शोध पथकांमध्ये समाविष्ठ करण्याचे आदेश दिले होते. त्यानुसार आयुक्तालय हद्दीतील १३ पोलीस ठाणे आणि चुंचाळे पोलीस चौकी येथील कार्यरत गुन्हेशोध पथकामध्ये महिला पोलीस अंमलदारांचा समावेश करण्यात आला आहे.

महिला पोलीस अंमलदारांनाही महत्त्वाची जबाबदारी पार पाडण्याची संधी मिळाली पाहिजे. त्यामुळे गुन्हे शोध पथकांत महिला अंमलदारांची नियुक्ती केली आहे. त्याचे सकारात्मक परिणाम दिसून येतील अशी अपेक्षा आहे. -संदीप कर्णिक (पोलीस आयुक्त, नाशिक)

आणखी वाचा-नाशिकच्या जागेवर भाजपचा पुन्हा दावा

गुन्हे शोध पथकात असलेल्या महिला

वैशाली महाले (आडगाव), रोहिणी भोईर (पंचवटी), शुभांगी आवारे (म्हसरुळ), सोनाली काटे (सरकारवाडा), सोनम कातकाडे (भद्रकाली), कविता महाले (मुंबईनाका), अश्विनी खांडवे (गंगापूर), दिव्या देसले (सातपूर), अश्विनी भोसले (अंबड), अश्विनी पगार (इंदिरानगर), मयुरी विझेकर (उपनगर), संध्या कांबळे (नाशिकरोड), आर. एच. खाकले (देवळाली कॅम्प), दीपाली खर्डे (चुंचाळे) यांचा गुन्हे शोध पथकात समावेश करण्यात आला आहे.