येवला तालुक्यातील दोन अपघातात चालकाचा मृत्यू, दोन जण जखमी

नाशिक : येवला तालुक्यातील कासारखेडा आणि बाभुळगाव या शिवारांत झालेल्या वेगवेगळ्या अपघातांमध्ये एका चालकाचा मृत्यू तर, दोन जण गंभीर जखमी झाले. गुरूवारी दुपारी दोनच्या सुमारास अहिल्यानगर- मनमाड महामार्गावर कासारखेडा शिवारात पेट्रोल टँकर आणि ट्रेलर यांची समोरासमोर धडक झाली. या अपघातात ट्रेलर चालक गंभीर जखमी झाला. जखमीला येवल्यातील उपजिल्हा रुग्णालयात दाखल करण्यात आले आहे. अपघातानंतर टँकर उलटल्याने पेट्रोल गळती सुरू झाली होती. त्यामुळे तालुका पोलिसांनी सुरक्षेच्या कारणास्तव महामार्ग काही काळ बंद ठेवला. मनमाडजवळील पानेवाडी येथून हिंदुस्तान पेट्रोलियम प्रकल्पातील पथकाने घटनास्थळी धाव घेत पेट्रोल गळती बंद केल्यानंतर वाहतूक सुरळीत करण्यात आली.