नाशिकमध्ये लघु-मध्यम उद्योगांच्या समस्यांवर मंथन; उदय सामंत, दीपेंद्रसिंह कुशवाह यांची उपस्थिती

राज्याचे उद्योगमंत्री उदय सामंत, उद्योग विभागाचे विकास आयुक्त दीपेंद्रसिंह कुशवाह, ‘मऔविम’चे सहमुख्य कार्यकारी अधिकारी अनिल भंडारी यांच्यासह नाशिकच्या उद्योग क्षेत्रातील नामांकित उद्योजक या परिषदेत सहभागी होणार आहेत.

आणखी वाचा

मुंबई आयआयटी करणार ठाण्याच्या वाहतुक आराखड्याची फेरआखणी; पुढील पाच वर्षांतील वाहतूक आव्हानांचा होणार अभ्यास

अल्लू अर्जुनच्या अटक प्रकरणावर नाना पाटेकर म्हणाले, “कोणाला…

गरजेपोटी बांधकामांच्या नियमितीकरण प्रक्रियेला वेग; तांत्रिक मूल्यमापनाचे काम अंतिम टप्प्यात

ॲमेझॉन आता ब्लिंकइट, झेप्टोला टक्कर देणार, १५ मिनिटांत वस्तू घरपोच मिळणार; कंपन्या क्विक कॉमर्स क्षेत्रात प्रवेश करण्यास उत्सुक का?

अर्थव्यवस्थेची घोडदौड कायम राहणार – एसअँडपी; नवीन वर्षात मध्यवर्ती बँकेकडून व्याजदर दिलासा शक्य

शेतीमालाच्या विक्री धोरणाबाबत केंद्राची पुन्हा घाई; सूचना, हरकतींसाठी वेळ वाढवून देण्याची मागणी

लाडकी बहीण योजनेच्या अर्ज छाननीत तीन टक्के त्रुटींचा संभव;  नाशिक विभागातील स्थिती

पुणे : पारव्यांना खाद्य टाकताय सावधान…! महापालिका वसूल करणार ‘एवढा’ दंड

सुवर्ण त्रिकोणातील एक कोन असलेल्या नाशिकला उद्योग विकासात मोठी मजल मारणे शक्य आहे. स्थानिक पातळीवर बॉश, मिहद्रा, इप्कॉस, एबीबी, जिंदाल (सिन्नर आणि इगतपुरी), सॅमसोनाइट, ग्लॅक्सो, तापडिया टूल्स, सीएट टायर्स आदी उद्योग असून गेल्या काही वर्षांपासून नव्या बडय़ा उद्योगांची प्रतीक्षा केली जात आहे.

जिल्ह्यात महाराष्ट्र औद्योगिक विकास महामंडळासह सहकारी औद्योगिक संस्थांच्या वसाहती आहेत. यात मुख्यत्वे वाहन, इलेक्ट्रिक क्षेत्रातील मोठे उद्योग आहेत. त्यावर अवलंबून असणाऱ्या लघु आणि मध्यम उद्योजकांची संख्या पाच हजारहून अधिक आहे. त्यामुळे उद्योग विश्वाला भेडसावणारे प्रश्न, समस्या सोडविण्यासाठी शहर आणि ग्रामीण भागात कार्यरत औद्योगिक संघटनांच्या सहभागाने लोकसत्ता एसएमई कॉन्क्लेव्ह या उद्योग परिषदेतून उद्योजक, विश्लेषक, सरकारचे प्रतिनिधी यांच्यात व्यापक चर्चा घडविण्यात येणार आहे.

या उपक्रमात नाशिक इंडस्ट्रिज अ‍ॅण्ड मॅन्युफॅक्चर्स असोसिएशन (निमा), अंबड इंडस्ट्रिज अ‍ॅण्ड मॅन्युफॅक्चर्स असोसिएशन (आयमा), नाईस, महाराष्ट्र चेंबर ऑफ कॉमर्स, लघुउद्योग भारती, उद्योग आणि निर्यातदार, वाइन उत्पादक, अपारंपरिक ऊर्जा उत्पादक, आयटी, स्त्री उद्यमी आदी संघटना तसेच सहकारी औद्योगिक विकास वसाहतींचा नाशिक विभागीय औद्योगिक वसाहत संघ, मालेगावातील यंत्रमागधारक संघटनेचे प्रतिनिधी सहभागी होणार आहेत. ही उद्योग परिषद केवळ निमंत्रितांसाठीच आहे.

सहभाग..

राज्याचे उद्योगमंत्री उदय सामंत, उद्योग विभागाचे विकास आयुक्त दीपेंद्रसिंह कुशवाह, ‘मऔविम’चे सहमुख्य कार्यकारी अधिकारी अनिल भंडारी यांच्यासह नाशिकचे नामांकित उद्योजक ‘लोकसत्ता एसएमई कॉन्क्लेव्ह २०२३’ या परिषदेत सहभागी होतील. ही उद्योग परिषद फक्त निमंत्रितांसाठीच आहे.

मुख्य प्रायोजक : महाराष्ट्र औद्योगिक विकास महामंडळ