नाशिक: मखमलाबाद, कामटवाड्यात नवीन मलजल शुध्दीकरण केंद्राचे नियोजन

सोमवारी राजीव गांधी भवन या मनपा मुख्यालयात आयुक्त तथा प्रशासक डॉ. चंद्रकांत पुलकुंडवार यांच्या अध्यक्षतेखाली गोदावरी प्रदूषण नियंत्रण उपसमितीची बैठक पार पडली. यावेळी विविध विषयांवर चर्चा होऊन अनेक निर्णय घेण्यात आले. गटारीचे पाणी प्रक्रिया न करताच थेट गोदापात्रात जात असल्याची तक्रार वारंवार केली जाते. या पार्श्वभूमीवर, महानगरपालिकेने मलजल शुध्दीकरण केंद्रांची क्षमता विस्तारण्याचे नियोजन केले आहे. त्या अंतर्गत तपोवन, आगरटाकळी, चेहडी, पंचक ही चार मलजल शुद्धीकरण केंद्र अद्ययावत करण्याच्या कामाचे सविस्तर प्रकल्प अहवाल एनआरसीडी (राष्ट्रीय नदी संवर्धन विभाग) यांच्याकडे सादर झाले आहेत. तपोवन आणि आगर टाकळी या दोन केंद्राची सुधारणा करण्यास शासनाच्या तांत्रिक समितीची मंजुरी दिली असून ते केंद्राच्या अमृत २.० योजनेतही प्रस्तावित आहे. मखमलाबाद, कामटवाडा येथे दोन नवीन मलजल शुद्धीकरण प्रकल्प उभारणार असल्याची माहिती मनपाचे अधिक्षक अभियंता शिवाजी चव्हाणके यांनी दिली.

आणखी वाचा

मुंबई : भांडूप संकुलातील नव्या जलशुद्धीकरण प्रकल्पाच्या कामला सुरुवात, जुन्या प्रकल्पाचे आयुर्मान संपुष्टात

१८ ऑक्टोबर पंचांग: नोकरदारांच्या कुंडलीत अच्छे दिन तर…

शहरासाठी १ हजार नव्या ई-बसचा प्रस्ताव, केंद्रीय राज्यमंत्री मुरलीधर मोहोळ यांचा पाठपुरावा

वांद्रे येथील पटवर्धन उद्यानाखालील भूमिगत वाहनतळाचा प्रस्ताव रद्द

पुणे : पाण्याविना नवीन गृहप्रकल्प कशासाठी?

मुंबई, ठाणेकरांना टोलचा आणखी भुर्दंड; वित्त विभागाच्या आक्षेपानंतर ४० हजार कोटींच्या प्रकल्पांना मंजुरी

नागलाबंदर खाडी किनारा सुशोभिकरण कामाला महिनाभरात सुरुवात, दोन वर्षात प्रकल्पाचे काम पूर्ण होणार

पालघरमध्ये रिलायन्सचा वस्त्रोद्याोग प्रकल्प; जमिनीच्या हस्तांतरासाठी एमआयडीसीचा अर्ज, दर मात्र गुलदस्त्यात

हेही वाचा >>>नाशिक: आर्टिलरी सेंटरजवळ बिबट्या जेरबंद

बैठकीत उपायुक्त (गोदावरी संवर्धन कक्ष) डॉ. विजयकुमार मुंढे यांनी प्रास्तविक केले. गोदावरी आणि उपनद्यांचे प्रदूषण थांबविण्यासाठी विविध मुद्यांवर चर्चा झाली. बैठकीत अशासकीय सदस्य राजेश पंडित, निशिकांत पगारे यांच्यासह उपप्रादेशीक अधिकारी (एमपीसीबी) अमर दुर्गुळ, विभागीय माहिती उपसंचालक ज्ञानेश्वर इगवे, उपायुक्त करुणा डहाळे, शहर अभियंता शिवकुमार वंझारी, स्मार्ट सिटीचे सुमंत मोरे, घनकचरा व्यवस्थापन विभाग संचालक डॉ. कल्पना कुटे आदी उपस्थित होते.

पर्यावरणपूरक मित्र इमारत, सोसायटी पुरस्कार

पावसाचे पाणी साठवून त्याचा योग्य वापर करणाऱ्या अर्थात रेन वॉटर हार्वेस्टिंगची उत्कृष्ट अंमलबजावणी करणाऱ्या सोसायटींना पर्यावरणपूरक मित्र इमारत आणि पर्यावरणपूरक मित्र सोसायटी (गृहनिर्माण संस्था) असे पुरस्कार महानगरपालिका देणार आहे. त्यासाठी मनपाच्या संकेतस्थळावर गोदावरी संवर्धन कक्षाच्या लिंकवर १५ मेपर्यंत माहिती पाठवण्याचे आवाहन करण्यात आले आहे. स्वच्छ झोपडपट्टी अशीही पुरस्कार योजना लवकरच राबविली जाईल, असे आयुक्त डॉ. पुलकुंडवार यांनी सांगितले.

हेही वाचा >>>सापडलेला भ्रमणध्वनी परत करणे बेतले जीवावर, मारहाणीत मृत्यू , दोन जण ताब्यात

कापडी पिशव्यांना प्रोत्साहन

शहरात प्लास्टिक बंदी मोहिमेच्या अमलबजावणीसाठी प्रयत्न होत असले तरी आजही अनेक ठिकाणी प्लास्टिक पिशव्यांचा वापर होताना दिसतो. ही मोहीम यशस्वी करण्यासाठी आता कापडी पिशव्यांचा वापर वाढविण्यावर लक्ष केंद्रीत केले जाणार आहे. त्यासाठी बचत गटांना बाजारपेठ वा तत्सम ठिकाणी कापडी पिशव्या उपलब्धतेसाठी यंत्र (वेंडींग यंत्र) बसविण्यासाठी प्रोत्साहित केले जाणार आहे. या पिशव्यांवर प्लास्टिक बंदीचा मजकूर आणि मनपाचे बोधचिन्ह असणार आहे.