पोलीस आयुक्त अंकुश शिंदे यांची बदली, संदीप कर्णिक नवे पोलीस आयुक्त

नाशिक : शहराचे पोलीस आयुक्त अंकुश शिंदे यांची वर्षपूर्ती होण्याआधीच बदली झाली असून त्यांच्या जागी पुणे शहराचे सहआयुक्त संदीप कर्णिक यांची नियुक्ती झाली आहे. शिंदे यांची राज्य गुप्तवार्ता विभागाच्या विशेष पोलीस महानिरीक्षकपदी बदलीने पदस्थापना करण्यात आली आहे.

आणखी वाचा

…विकास हाच आमचा अजेंडा, मुख्यमंत्री एकनाथ शिंदे यांचे स्पष्ट प्रतिपादन

२१ नोव्हेंबर पंचांग: वर्षातील शेवटचा गुरुपुष्यामृत योग कोणत्या…

राजकिय वातावरण गढूळ करणाऱ्या शिंदे पिता-पुत्राचे राजकारण संपविण्याची वेळ आली आहे; मनसे आमदार राजू पाटील यांची संतप्त प्रतिक्रिया

शिंदे यांच्या बंडाच्या वेळीच राष्ट्रवादीचाही सत्तेत सहभाग निश्चित; अजित पवार यांचा गौप्यस्फोट

ऐरोलीतील बंडोबांना शिंदे सेनेचे अभय ?

मुख्यमंत्री शिंदे म्हणतात, “धनुष्य चोरायला ते काही खेळणं आहे का? लाडक्या बहिणींना एकविसशे रुपये…”

पंतप्रधानांच्या दौऱ्यानिमित्त कडक पोलीस बंदोबस्त

दखल: बायजाबाई यांच्या कर्तृत्वाचा आढावा

गृह विभागाने राज्यातील वरिष्ठ पोलीस अधिकाऱ्यांच्या बदल्या केल्या. नाशिकच्या आयुक्तांचाही समावेश आहे. त्यांची बदलीने पदस्थापना करण्यात आली आहे. नाशिकच्या आयुक्तपदाची जबाबदारी पुणे शहराचे सहआयुक्त संदीप कर्णिक यांच्याकडे सोपविण्यात आली आहे. गेल्या वर्षी डिसेबरमध्ये शिंदे यांची नाशिकचे पोलीस आयुक्त म्हणून नियुक्ती झाली होती. कार्यकाळ पूर्ण होण्याआधीच त्यांची बदली झाल्याने राजकीय वर्तुळात चर्चा रंगली आहे. महायुतीच्या सरकारमध्ये तिन्ही पक्ष आपल्या मर्जीतील अधिकाऱ्यांच्या नियुक्तीसाठी प्रयत्नशील आहेत. एखाद्या पक्षाने विशिष्ट नावासाठी आग्रह धरल्यानंतर अन्य दोन पक्ष वेगळी भूमिका घेतात. मागील काही महिन्यात स्थानिक पातळीवर तसेच राजकारण रंगले. त्याचा परिपाक शिंदे यांच्या बदलीत झाल्याची चर्चा आहे.

आणखी वाचा-नाशिक : पळसेजवळील अपघातात रिक्षा चालकाचा मृत्यू

गेल्या काही महिन्यात शहरातील कायदा व सुव्यवस्थेला समाजकंटकांकडून आव्हान दिले गेले. सिडको पाठोपाठ विहितगाव व नाशिकरोडमध्ये मद्यधुंद संशयित आणि सराईत गुन्हेगारांच्या टोळक्याने वाहनांची तोडफोड केली होती. या तीनही प्रकरणांतील संशयितांना पोलिसांनी अवघ्या काही तासात ताब्यात घेतले. त्यांची वरात काढली गेली. धोंगडे मळ्यात वाहन तोडफोडीच्या प्रकरणातील संशयितांवर मोक्कांतर्गत कारवाईची प्रक्रिया करण्यात आली. अलीकडेच मुंबई पोलिसांनी शिंदे-पळसे गावात अंमली पदार्थ निर्मितीचा कारखाना उद्ध्वस्त केला होता. या कारखान्याची शहर पोलिसांना गंधवार्ता नसल्याचे राजकीय पातळीवर आरोप-प्रत्यारोप झाले. नाशिक पोलिसांनी या भागात गोदामावर कारवाई करत अंमली पदार्थांचा मोठा साठा हस्तगत केला. अनेकांची धरपकड केली. या विषयाला राजकीय वळण मिळाले. विरोधकांनी पालकमंत्र्यांवर आरोप केले होते.