धुळ्यात आरोग्य मित्रांवर पंतप्रधान जनआरोग्य योजनेचा विनावेतन भार, वेतनासाठी अन्नत्यागाचा निर्णय

जिल्ह्यात एमडी इंडिया इन्शुरन्स प्रा.लि. च्या माध्यमातून महात्मा जोतिराव फुले जनआरोग्य योजनेचे काम २०१२ पासून सुरू आहे. या योजनेचे काम आरोग्य मित्रांतर्फे करण्यात येत आहे. यानंतर पंतप्रधान जनआरोग्य योजनेचे अतिरिक्त काम आरोग्य मित्रांकडून करून घेण्यात येत आहे. पंतप्रधान जनआरोग्य योजनेचे काम विनावेतन केले जात असल्याचे आरोग्य मित्रांचे म्हणणे आहे. या अनुषंगाने २५ हजार रुपये मासिक वेतन द्यावे, अशी मागणी महात्मा जोतिराव फुले जनआरोग्य योजनेच्या जिल्हा प्रमुखांकडे करण्यात आली आहे. यासाठी सातत्याने पाठपुरावा केला जात असला तरी पगारवाढीची कुठलीही लेखी हमी संंबंधित कंपनीने दिलेली नाही. यामुळे आठ डिसेंबरपासून आरोग्य मित्रांनी काम बंद केले आहे.

हेही वाचा – अंगणवाडी कर्मचाऱ्यांचा जळगाव जिल्हाधिकारी कार्यालयावर मोर्चा

हेही वाचा – अंकलेश्‍वर-बर्‍हाणपूर महामार्ग चौपदरीकरण वादात, रावेर, यावल, फैजपूर, सावद्याला वगळल्यामुळे विरोध

संपाला पाच दिवस होऊनही शासनाने किंवा संबंधित कंपनीने दखल घेतलेली नाही. त्यामुळे आरोग्यमित्र गणेश शिंदे आणि रवींद्र थोरात या दोघांनी प्रतिनिधीक स्वरुपात अन्नत्याग करण्याचा निर्णय घेतला आहे.