संभाजी भिडे यांच्या अटकेसाठी धुळ्यात विविध संघटनांचे आंदोलन

धुळे : महापुरुषांसह संतांचा अवमान करणार्‍या संभाजी भिडेंना तत्काळ अटक करा, या मागणीसाठी माळी समाज, ओबीसी आरक्षण बचाव समिती, ठाकरे गट, समतावादी पुरोगामी संघटना यांच्या वतीने सोमवारी येथे धरणे आंदोलन करण्यात आले. क्यूमाईन क्लब रोडवर झालेल्या या आंदोलनात दिलीप देवरे, देवेंद्र पाटील, बी. एन. बिरारी, प्रा. शरद पाटील, महेश मिस्तरी, अशपाक शेख, नितीन माळी, पोपटराव चौधरी आदी पदाधिकारी व कार्यकर्ते सहभागी झाले होते. याबाबत दिलेल्या निवेदनात आंदोलकांनी भूमिका मांडली आहे.