केंद्राविरोधात आंदोलनांचा दिवस, मणिपूर हिंसाचार निषेधार्थ कामगारांच्या मागण्यांसाठी विविध संघटना रस्त्यावर

मणिपूरमध्ये आदिवासी महिलांवर झालेल्या अत्याचाराच्या निषेधार्थ बिरसा ब्रिगेड आणि काँग्रेस महिला आघाडीतर्फे काढण्यात आलेल्या मोर्चात काँग्रेसचे प्रदेशाध्यक्ष नाना पटोले हेही सहभागी झाले होते. मणिपूर सरकार ठोस कारवाई करीत नसल्याने आदिवासी समाज गाव सोडून जात आहे. मणिपूर राज्य तसेच केंद्र सरकारच्या कृतीचा निषेध करीत आरोपींना तातडीने फाशीची शिक्षा सुनावण्यात यावी, आदिवासी जनतेच्या जमिनी बिगर आदिवासी जनतेला हस्तांतरीत करण्यास प्रतिबंध घालण्यात यावा, सटाणा येथील आंदोलनादरम्यान अटक झालेल्या कार्यकर्त्यांवरील गुन्हे मागे घेण्यात यावेत, अशा मागण्या करण्यात आल्या.