राहुल गांधी यांना नाशिक न्यायालयात उपस्थिती आवश्यक, स्वातंत्र्यवीर सावरकर विषयक आक्षेपार्ह विधान प्रकरण

नाशिक : स्वातंत्र्यवीर सावरकर यांच्याविषयी जाहीर सभेत आक्षेपार्ह वक्तव्य केल्याप्रकरणी दाखल याचिकेत जामीन मिळवण्यासाठी लोकसभेतील विरोधी पक्षनेते राहुल गांधी यांना उपस्थित रहावेच लागेल, असे आदेश जिल्हा व सत्र न्यायालयाने दिले आहेत. या प्रकरणाची पुढील सुनावणी नऊ मे रोजी होणार आहे.हिंगोली येथील सभेत काँग्रेसचे नेते राहुल गांधी यांनी सावरकर यांच्याविषयी जाहीरपणे आक्षेपार्ह विधाने केल्याची तक्रार करत निर्भया फाउंडेशनचे अध्यक्ष देवेंद्र भुतडा यांनी २०२२ मध्ये नाशिक जिल्हा न्यायालयात याचिका दाखल केली होती. या प्रकरणात राहुल गांधी यांना कायदेशीर हुकूम बजावण्यात आले होते.