रेल्वे तिकीटांचा काळाबाजार करणाऱ्यास कोठडी

मनमाड: येथील रेल्वे जंक्शन स्थानकात आरक्षण तिकीटाचा काळाबाजार करणाऱ्याविरुध्द रेल्वे सुरक्षा दलाच्या पथकाने कारवाई केली. या अंतर्गत संबंधिताला ताब्यात घेऊन गुन्हा नोंदविण्यात आला आहे. ऑपरेशन उपलब्ध अंतर्गत रेल्वे सुरक्षा दलाने ही कारवाई केली. न्यायालयाने संशयिताला रेल्वे पोलीस दलाची कोठडी सुनावली.

आणखी वाचा

नंदुरबार जिल्ह्यात बस उलटल्याने तीन प्रवासी गंभीर जखमी

नाशिक : सोमेश्वरजवळील अपघातात ज्येष्ठ दाम्पत्याचा मृत्यू

नाशिक : अमृतधाम परिसरात युवकाच्या हत्येमुळे तणाव, जमावाकडून वाहनांची तोडफोड

नाशिक : विधानसभा निवडणुकीत मताधिक्याचा चढता-उतरता आलेख

नाशिक : फवारणीवेळी औषध नाकात गेल्याने शेतकरी महिलेचा मृत्यू

नाशिक : जमिनीच्या वादातून साल्हेर किल्ल्यावर दुहेरी हत्याकांड

नाशिक जिल्ह्यात केवळ १६ उमेदवारांना अनामत वाचविणे शक्य

नाशिकमध्ये ज्येष्ठतेच्या निकषावर मंत्रिपद देताना कसरत, भाजपला गतवेळची कसर भरून काढण्याची संधी

या संदर्भात रेल्वेच्या मुख्यालयातून मिळालेल्या माहितीच्या आधारे दलाचे उपनिरीक्षक प्रशांत गवई, सहायक उपनिरीक्षक रशीद खान यांच्यासह पथकाने मालेगांव येथे जावून छापा टाकला. समीर दोषी (४९, चित्रगुप्त नगर, संगमेश्वर, मालेगांव) या व्यक्तीला ताब्यात घेतले. त्याचा भ्रमणध्वनी, रेल्वे आरक्षण ई तिकीट, ओळखपत्र आणि लॅपटॉप तपासतांना त्याच्या लॅपटॉपमध्ये काही माहिती आढळली. ओळखपत्र तपासल्यावर दोन जुनी ई तिकीटे सापडली. ज्याची किंमत २३९२ रुपये आहे. हा सर्व मुद्देमाल पंचनामा करून जप्त करण्यात आला.

हेही वाचा… सुपर ५० उपक्रमांतर्गत रविवारी १६ केंद्रांवर निवड परीक्षा

अधिक तपास केल्यानंतर लॅपटॉप आणि आणखी एक भ्रमणध्वनी जप्त करण्यात आला. गरजू व्यक्तींना रेल्वे आरक्षण उपलब्ध करून देणार असल्याचे त्याने सांगितले. प्रतिव्यक्ती १०० ते २०० रुपये जास्त घेऊन ई तिकीट देऊन रेल्वे आरक्षण करून देतो. या संदर्भात त्याच्याकडे कोणतेही वैध दस्तावेज नसून त्याने रेल्वे तिकीटांचा अवैध धंदा सुरू केल्याची कबुली दिली. रेल्वे सुरक्षा दलाने गुन्हा नोंदविला असून त्यास कोठडी देण्यात आली.