नाशिक : ईपीएफ निवृत्तीवेतनधारकांचा रास्ता रोको

ई. पी. एफ. निवृत्तवेतनधारकांच्या प्रश्नांवर केंद्र सरकारने वेळकाढू धोरण अवलंबले आहे. सरकारच्या कार्यशैली विरोधात हे आंदोलन असल्याचे संघटनेचे पदाधिकारी रमेश सूर्यवंशी, चेतन पनेर, डी. बी. जोशी, सुभाष काकड आदींनी म्हटले आहे. संघटनेचे पदाधिकारी व निवृत्तीवेतनधारक प्रथम इदगाह मैदानावर जमले. तिथून मोर्चाद्वारे त्र्यंबक नाका चौकात येऊन त्यांनी रास्तारोको केले. लाल झेंडे व मागण्यांचे फलक घेऊन काही जण सहभागी झाले होते. लोकसभा निवडणुकीच्या पार्श्वभूमीवर, निवृत्तीवेतनधारकांचे प्रश्न मांडले जात असल्याचा दावा आंदोलकांनी केला.

आणखी वाचा

स्थानिकांच्या विरोधामुळे २२ आरोग्यवर्धिनी केंद्र अधांतरी, नवीन जागा शोधण्याची वेळ

‘मुलुंडचे लवकरच नवीन धारावी नामांतर’, संतप्त मुलुंडवासियांकडून मुलुंडमध्ये…

नाशिक : पेठ रस्त्यावरील अपघातात दोन जणांचा मृत्यू

मुंबई नाशिक महामार्गावरील सुरक्षित प्रवासासाठी उपायांची जंत्री

पथदिव्यांची देखभाल दुरूस्ती वाऱ्यावर; अंबरनाथकरांना सोसावी लागतेय अंधारयात्रा 

नाशिक : चुलतबहिणीनंतर जखमी अल्पवयीन मुलीचाही मृत्यू, ओझर दुचाकी अपघात

नाशिक : अभाविपचे आरोग्य विद्यापीठात आंदोलन, शिक्षण मंत्र्यांसह कुलगुरुंकडून दखल

नाशिक : लाच स्वीकारताना पोलीस उपनिरीक्षक जाळ्यात

हेही वाचा – मनरेगा योजनेतून तुती लागवड, रेशीम शेतीस प्रोत्साहन; नाशिक जिल्ह्यातील ४२३ शेतकऱ्यांची निवड

हेही वाचा – दीड हजार बालकांच्या कॉक्लिअर इम्प्लांट शस्त्रक्रिया रखडल्या! वयोमर्यादा वाढविण्यात केंद्राकडून उदासीनता…

देशात ७५ लाख तर नाशिक जिल्ह्यात सव्वालाख ईपीएफ निवृत्तीवेतनधारक आहेत. यात बॉश, एचएएल, एसटी. वीज मंडळ, साखर कारखाने यासह १८६ उद्योगातील निवृत्ती वेतनधारकांचा समावेश आहे. मागील १० वर्षांपासून त्यांच्या मागण्या प्रलंबित असून आंदोलनाच्या माध्यमातून त्याकडे लक्ष वेधण्यात आल्याचे पदाधिकाऱ्यांनी सांगितले. सर्व ज्येष्ठांना रेल्वे, एसटी प्रवासात सवलत लागू करणे, १८६ सेक्टरमधील सर्व कर्मचाऱ्यांना ईपीएफ (९५) निवृत्ती वेतन योजनेत समाविष्ट करण्याची मागणी निवेदनातून करण्यात आली. आंदोलकांनी चौकातील एका मार्गावर ठिय्या देऊन घोषणाबाजी केली. त्र्यंबक नाका हा अतिशय वर्दळीचा चौक आहे. निवृत्तीवेतनधारकांच्या रास्ता रोकोमुळे काही काळ वाहतुकीत अडथळे आले. पोलिसांनी आंदोलकांची समजूत काढून त्यांना रस्त्यावरून बाजूला नेले. त्यानंतर वाहतूक पूर्ववत झाली.