Dasara Melava 2022: विचित्र हातवारे करणाऱ्या शिंदे गटातील समर्थकांना ठाकरे गटातील महिलांचा चोप

यावेळी महामार्गावरून शिंदे गटाची जीप बससोबत समांतरपणे जात असताना जीपमधील शिंदे गटाच्या समर्थकांनी बसमधील महिलांकडे पाहून विचित्र हातवारे केले. शिवीगाळ केली. खिडकीत बसलेल्या महिलांना ही बाब लक्षात आली. त्यांनी बस चालकाच्या मदतीने खर्डी येथे संबंधितांची जीप रोखली. या जीपवर शिंदे गट मेळाव्याचे पत्रक चिकटविलेले होते. संतप्त महिलांनी जीपमधील चार ते पाच जणांना चोप दिला. ते सर्वजण मद्यधुंद अवस्थेत होते, असे दुसाने यांनी सांगितले. दरम्यानच्या काळात मेळाव्यास निघालेले शिवसैनिकही महिलांच्या मदतीला धाऊन आले. या संदर्भात पोलीस ठाण्यात तक्रार दिली जाणार असल्याचे दुसाने यांनी सांगितले.