जळगाव: सिलिंडर स्फोटात तीन घरांचे नुकसान; संसारोपयोगी साहित्य खाक

नळीतून गॅस गळती झाल्यानंतर सिलिंडरने पेट घेतल्यानंतर क्षणार्धात त्याचा स्फोट होऊन तीन घरांना आग लागल्याची धक्कादायक घटना चोपडा तालुक्यातील वटार गावात घडली. घटनेत महिलेसह दोघे जखमी झाले. आगीत संसारोपयोगी साहित्याची राखरांगोळी झाली आहे.  वटार येथील कैलास कोळी यांच्या घरात रात्री स्वयंपाक करीत असताना गॅस नळीने पेट घेतल्यानंतर क्षणार्धात सिलिंडरचा स्फोट झाला. त्यानंतर घराला आग लागली. आगीने रौद्र रूप धारण करीत शेजारील धनसिंग कोळी, भिकूबाई कोळी यांच्या घरांनाही आगीने लपेटले.

हेही वाचा >>> निंबादेवी धरणात दोन बालके बुडाली; एकाचा मृत्यू 

आणखी वाचा

मुंबईची हवा पुन्हा प्रदूषित; कुलाबा, कांदिवली येथे ‘वाईट’ हवेची नोंद

Madhuri Dixit : डर चित्रपट माधुरी दीक्षितने का…

पिंपरी: हवा प्रदूषणावर आता ‘ग्रॅप’ची नजर; प्रदूषण करणारे उद्योग…

कल्याण, डोंबिवलीत घर खरेदीदारांची फसवणूक

पुणे : दरडप्रवण गावातील कामांना गती, २०० कोटींचा निधी मंजूर

पुणे : सांडपाणी वाहिन्यांची झाकणे समपातळीवर आणण्यासाठी महापालिकेने उचलले पाऊल !

सरकारी प्रकल्पांमुळेच धुळधाण, नागरिकांच्या आरोग्यावर परिणाम होण्याची शक्यता

गणेशोत्सवानंतर तीन महिन्यातच ‘लक्ष्मी रस्ता’ पुन्हा राहणार बंद, काय आहे कारण?

आगीत कैलास कोळी, सरलाबाई कोळी जखमी झाल्या. चोपडा आणि जळगाव येथून तीन अग्निशमन बंब दाखल झाले. घटनेची माहिती मिळताच परिसरातील वडगाव, सुटकार व वटार या गावांतील ग्रामस्थांनीही आग विझविण्यासाठी शर्थीचे प्रयत्न केले. घटनास्थळी नायब तहसीलदार सचिन भामरे, मंडळ अधिकारी व्ही. डी. पाटील, तलाठी महेंद्र पाटील, अडावद येथील पोलीस ठाण्याचे सहाय्यक निरीक्षक गणेश बुवा यांच्यासह पोलीस कर्मचार्यांनी धाव घेत पाहणी करीत पंचनामे केले. अडावद येथील पोलीस ठाण्यात आगीची नोंद करण्यात आली.