शेततळ्यात बुडून भावंडांचा मृत्यू ; नाशिक जिल्ह्यातील घटना

नाशिक – देवळा तालुक्यातील खामखेडा येथील बुटेश्वर शिवारात डोंगरालगत असलेल्या शेततळ्यात दुपारी तीनच्या सुमारास पाय घसरून पडल्याने सख्या भावंडांचा बुडून मृत्यू झाला. खामखेडा येथील बुटेश्वर शिवारात डोंगरालगत असलेल्या शेतात गणेश आहेर हे राहतात. त्यांची दोन्ही मुले तेजस (१२) आणि मानव (आठ) हे बुधवारी सकाळची शाळा करून घरी गेले. दुपारी शेतात उन्हाळ कांदा काढणी सुरू असल्याने आईवडिलांना मदतीसाठी शेतातच होते. दुपारच्या वेळेस जंगलातून शेतात आलेल्या माकडांना हुसकावण्यासाठी त्यांच्या पाठीमागे गेले.