नाशिक जिल्ह्यात ६६ दारू अड्ड्यांवर एकाचवेळी छापे; ११ लाखांचा मुद्देमाल जप्त

गुरुवारी पहाटे पाच वाजता सुमारे ५५० अधिकारी आणि अंमलदारांनी नाशिक ग्रामीण हद्दीत गावठी दारू अड्डे उद्ध्वस्त करण्यासाठी ६६ ठिकाणी एकाच वेळी छापे टाकत सुमारे ११ लाखांची तयार गावठी दारू, रसायन आणि इतर साधनसामग्री जप्त करून संबंधितांवर गुन्हे दाखल केले आहेत. या छापासत्रात सटाण्यातील सात, कळवणमधील पाच, वाडीवऱ्हे, घोटी, जायखेडा येथील प्रत्येकी चार, देवळा, इगतपुरी, सिन्नर एमआयडीसीतील प्रत्येकी दोन आणि पेठमधील एका ठिकाणाचा समावेश आहे. मोहिमेदरम्यान पोलिसांनी दारू गाळप करणाऱ्या ठिकाणांसह रसायन बनविण्यासाठी लागणारा गुळ देणाऱ्या विक्रेत्यांवरही कारवाई केली आहे.

आणखी वाचा

नाशिक परिक्षेत्रात २५ दिवसांत ५० कोटींचा मुद्देमाल जप्त, १७ हजार गुन्हेगारांविरुध्द कारवाई

Devendra Fadnavis Income : उपमुख्यमंत्र्यांची एकूण संपत्ती किती?…

नाशिक: गृह मतदानापासून हजारो ज्येष्ठ मतदार, अपंग वंचित; यंत्रणेच्या अनास्थेमुळे ८५ हजार पैकी केवळ २४४९ मतदारांना लाभ

पुणे: एटीएम फोडून रोकड चोरणारी हरयाणातील टोळी गजाआड, स्थानिक गुन्हे शाखा आणि शिरूर पोलिसांची कामगिरी

जनजागृतीवर ५९ कोटींचा खर्च, तरीही सर्वसामान्यांच्या २,८८० कोटींवर डल्ला…बँकेत तुमचे पैसे…

महिला अत्याचार वाढले….पण, गुन्ह्यातील दोषसिद्धीचे प्रमाण मात्र……

कल्याणीनगर अपघात प्रकरणात शरण आलेल्या आरोपीला पोलीस कोठडी

मोबाइल चोरणाऱ्या सराइतांना अटक; १२ मोबाइल संच जप्त; ९ गुन्हे उघड

हेही वाचा – नवी मुंबई : एपीएमसीत जुन्नर केशर आंबा दाखल

जिल्ह्यातील डोंगरदऱ्या, नदी-नाल्यांलगत असलेल्या गावांमध्ये गावठी दारू अड्ड्यांवरही छापे टाकण्यात आले. या कारवाईत देवळा तालुक्यातील चिंचे गावातील पाझर तलावाच्या काठावर लोखंडी पाईप, पंखा आणि बॅटरीच्या सहाय्याने भट्टीला अतिरिक्त हवा देण्याचे घरगुती यंत्र हस्तगत करण्यात आले. अवैध व्यवसायासंबंधी माहिती मिळाल्यास नागरिकांनी ६२६२२५६३६३ या मदतवाहिनीवर कळवावे, असे आवाहन ग्रामीण पोलिसांनी केले आहे.