नाशिक: शहर परिसरातील कायदा सुव्यवस्था अबाधित राहण्यासाठी शहर पोलिसांच्या वतीने विविध उपाययोजना करण्यात येत आहेत. नाशिककरांचेही त्यात योगदान असावे म्हणून शहर पोलिसांच्या वतीने काही मदतवाहिनी क्रमांक जाहीर करण्यात आले आहेत.
नाशिक शहर पोलिसांतर्फे शहरातील नागरिकांना आपला अभिप्राय, सूचना नोंदवता याव्यात, यासाठी पोलीस आयुक्तांनी ९९२३३२३३११ हा व्हॉट्सअ‍ॅप क्रमांक जाहीर केला आहे.
हेही वाचा… नाशिकमध्ये जानेवारीत राष्ट्रीय युवा महोत्सव, पंतप्रधान नरेंद्र मोदी यांच्या हस्ते उद्घाटन
नागरिकांनी आपल्या जवळील माहिती, सूचना, अभिप्राय या क्रमांकावर देणे आवश्यक आहे. तक्रारी, आपत्कालीन परिस्थितीसाठी ११२ क्रमांकाशी संपर्क साधावा, हा क्रमांक आपत्कालीन प्रतिसाद प्रणाली नंबर आहे. नागरिकांनी या सुविधेचा लाभ घ्यावा, असे आवाहन नाशिक पोलिसांच्या वतीने करण्यात आले आहे.
