नाशिक : राज्य उत्पादन शुल्क विभागाची हप्तेखोरी उघड; हॉटेल व्यावसायिकाकडून लाच घेताना तिघांना अटक

या कारवाईची माहिती लाचलुचपत प्रतिबंधक विभागाच्या पोलीस अधीक्षक शर्मिष्ठा घारगे-वालावलकर यांनी दिली. निफाड तालुक्यात तक्रारदाराचा बार आणि रेस्टॉरंट आहे. हॉटेल व्यवसायाच्या कामात कुठल्याही त्रुटी न काढता ते सुरळीत चालू ठेवण्याच्या मोबदल्यात राज्य उत्पादन शुल्कच्या फिरत्या पथकातील जवान लोकेश गायकवाड (३५) आणि हिशेबनीस पंडित शिंदे (६०, निफाड) यांनी चार हजार रुपये वार्षिक हप्त्याची मागणी केली होती. तडजोडीअंती प्रति हॉटेल तीन हजार रुपये वार्षिक हप्त्यापोटी देण्याचे निश्चित झाले. तीन हॉटेलचे मिळून नऊ हजार रुपयांचा हप्ता संशयितांनी हिशेबनीस प्रवीण ठोंबरे (४७, निफाड) याच्यामार्फत स्वीकारला. लाच स्वीकारत असताना लाचलुचपत प्रतिबंधक विभागाच्या पथकाने संशयितांना रंगेहात ताब्यात घेतले.

आणखी वाचा

वैयक्तिक प्राप्तिकरातील वाढ अर्थव्यवस्थेसाठी वरदान; प्रत्यक्ष कर संकलन १२ जानेवारीपर्यंत १६.९० लाख कोटींवर

Pompeii: २५०० वर्षांपूर्वी भारतीय लक्ष्मी इटलीमध्ये कशी पोहोचली?

नाशिकमध्ये नायलॉन मांजा तारांमध्ये अडकून वीज पुरवठा खंडित होण्याचे प्रकार

डोंबिवलीत बेकायदा फलक लावणाऱ्या आस्थापनांवर फौजदारी गुन्हे, पाच हजार फलकांवर कारवाई

नाशिक अपघातास कारणीभूत तिघांविरुध्द गुन्हा, सळई पुरवठादाराचाही समावेश

उदयनराजेंसह वारसांना जमीन महसूल सूट कायम, राज्य शासनाचा निर्णय

मुंबई : अनधिकृत बांधकामांवर २०० टक्के दंड, अतिरिक्त आयुक्त अश्विनी जोशी यांचे निर्देश

न्यूयॉर्कमध्ये वाहनचालकांना द्यावे लागणार ‘वाहतूक कोंडी शुल्क’! काय आहे ‘कंजेशन प्रायसिंग’? मुंबईतही अमलात येऊ शकते?

हेही वाचा – नाशिक: उमराणेजवळ बस-मालमोटार अपघातात; ४० प्रवासी जखमी

ही कारवाई लाचलुपत प्रतिबंधक विभागाच्या पोलीस अधीक्षक शर्मिष्ठा घारगे-वालावलकर, अपर अधीक्षक एन.एस.न्याहळदे यांच्या मार्गदर्शनाखाली झाली. पोलीस निरीक्षक संदीप साळुंखे यांच्या नेतृत्वाखाली हवालदार पंकज पळशीकर, पोलीस नाईक प्रभाकर गवळी, प्रफुल्ल माळी, नितीन कराड व चालक परशराम जाधव या पथकाने सापळा यशस्वी केला.

हेही वाचा – नाशिक : वसंत व्याख्यानमाला शताब्दी महोत्सव स्वागत समिती अध्यक्षपदी दादा भुसे, राष्ट्रपतींसह पंतप्रधानांनाही आमंत्रण

या कारवाईने राज्य उत्पादन शुल्क विभागाचा कारभार चव्हाट्यावर आला आहे. शहर व ग्रामीण भागात शेकडो हॉटेल आहेत. यातील अनेक ठिकाणी उत्पादन शुल्क विभागाच्या परवान्याने मद्य विक्री केली जाते. व्यावसायिकांना ठराविक कालावधीत मद्य विक्रीचे हिशेब सादर करावे लागतात. या प्रक्रियेत त्रुटी काढून राज्य उत्पादनाचे कर्मचारी हॉटेल व्यावसायिकांना वेठीस धरू शकतात. त्याचा धाक दाखवत काही कर्मचारी राजरोस हप्ता वसुली करीत असल्यावर या कारवाईने प्रकाश टाकला आहे. दरम्यान, कोणताही शासकीय अधिकारी, कर्मचारी यांनी किंवा त्यांच्या वतीने खासगी व्यक्तीने कुठलेही शासकीय काम करून देण्यासाठी लाचेची मागणी केल्यास तात्काळ १०६४ या टोल फ्री क्रमांकावर संपर्क साधावा, असे आवाहन लाचलुचपत प्रतिबंधक विभागाने केले आहे.