यावल अभयारण्यात पट्टेदार वाघाचे दर्शन

यावल अभयारण्य आणि प्रादेशिकच्या सीमेवर जंगलात शनिवारी यावल प्रादेशिक वनविभागातर्फे लावण्यात आलेल्या उच्चक्षमतेच्या ट्रॅप कॅमेर्‍यात पट्टेदार वाघाची छबी कैद झाल्याची माहिती वनविभागाकडून प्राप्त झाली आहे.

जळगाव – यावल अभयारण्य आणि प्रादेशिकच्या सीमेवर जंगलात शनिवारी यावल प्रादेशिक वनविभागातर्फे लावण्यात आलेल्या उच्चक्षमतेच्या ट्रॅप कॅमेर्‍यात पट्टेदार वाघाची छबी कैद झाल्याची माहिती वनविभागाकडून प्राप्त झाली आहे. १७५.५८ चौरस किलोमीटर क्षेत्रावर पसरलेल्या यावल अभयारण्याची वन आणि वन्यजीव संपदा कधीकाळी जगभरात दखलपात्र होती.

मेळघाट ते अनेर धरण परिसर नैसर्गिक टायगर कॉरिडॉर असल्याने करोनाकाळातही यावल अभयारण्यात २०२१ मध्ये वाघ आढळून आला होता. आता पुन्हा वनविभागाकडून लावण्यात आलेल्या ट्रॅप कॅमेर्‍यात दिसलेला वाघ हा नर आहे की मादी आणि याचे साधारण वय किती असू शकते, याची माहिती लवकरच उपलब्ध होईल, अशी माहिती यावल उपवनसंरक्षक जमीर शेख यांनी दिली.

आणखी वाचा