नाशिक – सकल मराठा समाजाच्या विरोधाची झळ राज्याचे सांस्कृतिक कार्यमंत्री सुधीर मुनगंटीवार यांना बसली आहे. नाशिक सार्वजनिक वाचनालयाच्यावतीने (सावाना) मंगळवारी मुनगंटीवार यांना कार्यक्षम आमदार पुरस्काराने सन्मानित केले जाणार होते. मराठा समाजातील उपोषणकर्त्यांनी त्यांच्या उपस्थितीला होणाऱ्या कार्यक्रमास आक्षेप घेतल्याने सावानाने हा कार्यक्रम स्थगित केला आहे.
येथील शिवतीर्थावर ४५ दिवसांपासून सुरू असलेले मराठा आंदोलकांचे साखळी उपोषण आता आमरण उपोषणात परावर्तीत करण्यात आले आहे. मनोज जरांगे यांच्या आवाहनास प्रतिसाद देऊन येथील उपोषणकर्ते नाना बच्छाव हे आमरण उपोषणास बसले आहेत. राजकीय नेत्यांनी गाव व शहरात कार्यक्रम घेऊ नये, असा इशारा आधीच देण्यात आला होता. मराठा आरक्षणाच्या मागणीसाठी सुरू असलेल्या आंदोलनात जिल्ह्यातील ५५० हून अधिक गावांमध्ये राजकीय नेत्यांना प्रवेश बंदी करण्यात आली आहे. रविवारपासून कार्यकर्ते गावोगावी मराठा समाजाशी चर्चा करून जनजागृतीद्वारे आंदोलनात लोकसहभाग वाढविणार आहेत, गाव शहरात मंत्री, पुढाऱ्यांना बंदी असून आमदार, खासदार आणि मंत्र्यांनी शहर व गावात कुठलाही कार्यक्रम घेऊ नये. काही विपरीत घडल्यास त्याला राज्य सरकार जबाबदार असेल, असा इशारा सकल मराठा समाजाने दिला आहे. नाशिक सार्वजनिक वाचनालयाच्यावतीने मंगळवारी कार्यक्षम आमदार पुरस्कार वितरण सोहळ्याचे आयोजन करण्यात आले होते. या पुरस्कारासाठी यंदा राज्याचे वन, सांस्कृतिक कार्यमंत्री सुधीर मुनगंटीवार यांची निवड झाली आहे.
हेही वाचा – बुलढाणा : देशातील एकमेव जगदंबा उत्सवास थाटात प्रारंभ; ११५ वर्षांची वैभवशाली परंपरा
हेही वाचा – नागपूर : १३५ कलाकार १२ तास शास्त्रीय नृत्यातून करणार अखंड घुंगरू नाद
या कार्यक्रमाची माहिती समजल्यानंतर सकल मराठा समाजाच्या कार्यकर्त्यांनी सावानाशी संपर्क साधला. मराठा आरक्षणासाठी शहर व गावात मंत्री व राजकीय नेत्यांना बंदी असताना आपण मुनगंटीवार यांना कार्यक्रमास कसे निमंत्रित केले, याबाबत विचारणा केली. मराठा समाजाच्या भावना लक्षात घेऊन हा कार्यक्रम थांबविण्याची मागणी केली होती. या घटनाक्रमानंतर सावानाचे सचिव डॉ. धर्माजी बोडके यांनी मराठा समाजाच्या आवाहनानुसार मंगळवारी आयोजित कार्यक्षम आमदार पुरस्कार वितरण कार्यक्रम पुढे ढकलण्यात आल्याचे म्हटले आहे.
येथील शिवतीर्थावर ४५ दिवसांपासून सुरू असलेले मराठा आंदोलकांचे साखळी उपोषण आता आमरण उपोषणात परावर्तीत करण्यात आले आहे. मनोज जरांगे यांच्या आवाहनास प्रतिसाद देऊन येथील उपोषणकर्ते नाना बच्छाव हे आमरण उपोषणास बसले आहेत. राजकीय नेत्यांनी गाव व शहरात कार्यक्रम घेऊ नये, असा इशारा आधीच देण्यात आला होता. मराठा आरक्षणाच्या मागणीसाठी सुरू असलेल्या आंदोलनात जिल्ह्यातील ५५० हून अधिक गावांमध्ये राजकीय नेत्यांना प्रवेश बंदी करण्यात आली आहे. रविवारपासून कार्यकर्ते गावोगावी मराठा समाजाशी चर्चा करून जनजागृतीद्वारे आंदोलनात लोकसहभाग वाढविणार आहेत, गाव शहरात मंत्री, पुढाऱ्यांना बंदी असून आमदार, खासदार आणि मंत्र्यांनी शहर व गावात कुठलाही कार्यक्रम घेऊ नये. काही विपरीत घडल्यास त्याला राज्य सरकार जबाबदार असेल, असा इशारा सकल मराठा समाजाने दिला आहे. नाशिक सार्वजनिक वाचनालयाच्यावतीने मंगळवारी कार्यक्षम आमदार पुरस्कार वितरण सोहळ्याचे आयोजन करण्यात आले होते. या पुरस्कारासाठी यंदा राज्याचे वन, सांस्कृतिक कार्यमंत्री सुधीर मुनगंटीवार यांची निवड झाली आहे.
हेही वाचा – बुलढाणा : देशातील एकमेव जगदंबा उत्सवास थाटात प्रारंभ; ११५ वर्षांची वैभवशाली परंपरा
हेही वाचा – नागपूर : १३५ कलाकार १२ तास शास्त्रीय नृत्यातून करणार अखंड घुंगरू नाद
या कार्यक्रमाची माहिती समजल्यानंतर सकल मराठा समाजाच्या कार्यकर्त्यांनी सावानाशी संपर्क साधला. मराठा आरक्षणासाठी शहर व गावात मंत्री व राजकीय नेत्यांना बंदी असताना आपण मुनगंटीवार यांना कार्यक्रमास कसे निमंत्रित केले, याबाबत विचारणा केली. मराठा समाजाच्या भावना लक्षात घेऊन हा कार्यक्रम थांबविण्याची मागणी केली होती. या घटनाक्रमानंतर सावानाचे सचिव डॉ. धर्माजी बोडके यांनी मराठा समाजाच्या आवाहनानुसार मंगळवारी आयोजित कार्यक्षम आमदार पुरस्कार वितरण कार्यक्रम पुढे ढकलण्यात आल्याचे म्हटले आहे.
