नाशिक : उपनगर पोलीस ठाण्याजवळ असलेल्या केंद्रीय विद्यालयासमोर शुक्रवारी दुपारी एका संशयिताने मायलेकींवर धारदार शस्त्राने वार करुन काही अंतरावर जाऊन स्वत:वरही वार करून घेत आत्महत्या करण्याचा प्रयत्न केला. शुक्रवारी दुपारी साडेबाराच्या सुमारास अर्चना वाघमारे (३४, रा. शिवाजी नगर) या त्यांच्या मुलीसोबत केंद्रीय विद्यालयाजवळून जात असताना त्यांच्यावर संशयित सरजीत झांजोटे उर्फ दिंगिया याने चाकू हल्ला केला.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

या हल्ल्यात अर्चना या गंभीर जखमी झाल्या. त्यांना जयराम रुग्णालयात दाखल करण्यात आले आहे. त्यांच्या पहिल्या पतीची मुलगी श्रृती सोनवणे (१६) ही जखमी झाली असून बिटको रुग्णालयात दाखल करण्यात आले आहे. संशयित सरजीतने दोघांवर वार केल्यानंतर घटनास्थळावरून पळ काढला. काही अंतरावर गेलेल्या सरजीतने स्वत:वरही वार केले. त्याला जिल्हा शासकीय रुग्णालयात दाखल करण्यात आले आहे.