करिअर मार्गदर्शन मेळाव्यात धर्म प्रचाराचा कथित प्रयत्न; मालेगावात तणाव

येथील महाराजा सयाजीराव गायकवाड महाविद्यालयात हा मार्गदर्शन मेळावा आयोजित करण्यात आला होता. सत्य मालिक लोकसेवा ग्रुप हे या मेळाव्याचे आयोजक होते. त्यासाठी पुणे येथील अनिस डिफेन्स करिअर अकॅडमी संस्थेचे संचालक अनिस कुटी हे मार्गदर्शक म्हणून उपस्थित होते. मेळाव्यास शहरातील दोन्ही धर्मातील महाविद्यालयीन तरुण-तरुणी उपस्थित होते. या मेळाव्यात करिअर मार्गदर्शनाच्या नावाने मुस्लिम धर्माचा प्रचार करण्याचा प्रयत्न होत असल्याची माहिती तेथे उपस्थित काही तरुणांनी शहरातील काहींना भ्रमणध्वनीद्वारे दिली. त्यानंतर हिंदुत्ववादी संघटनांचे कार्यकर्ते तेथे दाखल झाले. या प्रकारास त्यांनी तीव्र आक्षेप घेतला तसेच आयोजक व महाविद्यालयीन प्रशासनाकडे याचा जाब विचारला.

आणखी वाचा

“आधी मणिपूर ‘सेफ’ करा आणि मग…”; उद्धव ठाकरेंच्या शिवसेनेचं मोदी सरकारवर टीकास्र!

महायुतीला सत्ता मिळाली, लाडक्या बहिणींना २१०० रुपये कधीपासून…

मतदारांना आमिषे दाखविण्यास सुरवात; भाईंदरमध्ये मद्य आणि मासळाची साठा जप्त

हिंदी मालिकेच्या सेटवर निशिगंधा वाड यांचा अपघात; तातडीने रुग्णालयात केलं दाखल

“माझे ख्रिश्चन वडील ६ वेळा वैष्णोदेवीला गेले, तर मुस्लीम भाऊ…”; बॉलीवूड अभिनेत्याचा कुटुंबाबद्दल खुलासा

“वसईच्या सनसिटी येथे धारावी प्रकल्पग्रस्तांचे पुनर्वसन करण्याचा प्रयत्न”, आमदार क्षितीज ठाकूर यांचा आरोप

Madras High Court: “जोडप्याने एकमेकांचे चुंबन घेणे स्वाभाविक,” उच्च न्यायालयाने रद्द केला लैंगिक अत्याचाराचा खटला

हेही वाचा >>> सिन्नर तालुक्यात समृध्दीवर अपघात, चार जणांचा मृत्यू, चार जखमी

हा प्रकार समजल्यावर अप्पर पोलीस अधीक्षक अनिकेत भारती, उपअधीक्षक प्रदीप जाधव, कॅम्प पोलीस ठाण्याचे निरीक्षक प्रकाश काळे हे फौजफाट्यासह घटनास्थळी दाखल झाले. आक्रमक झालेले विद्यार्थी आणि हिंदुत्ववादी संघटनेच्या कार्यकर्त्यांना शांत करण्याचा प्रयत्न पोलिसांनी केला. संबंधितांविरुद्ध गुन्हा दाखल करून कडक कारवाई करावी, असा आग्रह धरत छावणी व कॅम्प पोलीस ठाण्यासमोर कार्यकर्त्यांची मोठी गर्दी झाली होती. दरम्यान गुन्हा दाखल असला तरी धर्मप्रचाराचा कोणताही प्रकार झाला नसल्याचे उपस्थित शिक्षकांचे म्हणणे आहे.

पालकमंत्र्यांकडून पोलिसांची झाडाझडती या प्रकरणी गुन्हा दाखल करण्यास बराच उशीर झाला. त्यामुळे संतप्त झालेले पालकमंत्री दादा भुसे हे रात्री थेट कॅम्प पोलीस ठाण्यात दाखल झाले. भुसे यांनी यावेळी पोलिसांना चांगलेच फैलावर घेतले. यानंतर पोलिसांनी आयोजक तसेच महाविद्यालयाचे प्राचार्य व उपप्राचार्य अशा १५ जणांवर गुन्हा दाखल केला. दरम्यान, लोकांनी अफवांवर विश्वास ठेऊ नये तसेच शांतता पाळावी,असे आवाहनही पोलिसांनी केले आहे.