“ठाकरे सेनेचा दसरा मेळावा शरद पवार आणि सोनिया गांधींच्या विचारांचा…” गुलाबराव पाटलांची टीका

जळगाव : ठाकरे सेनेचा दसरा मेळावा म्हणजे सोनिया गांधी आणि शरद पवार यांच्या विचारांचे मिश्रण असेल. मात्र, आमचा मेळावा हा हिंदुत्व आणि बाळासाहेबांच्या विचारांचा महाराष्ट्र मेळावा असेल, असे वक्तव्य पाणीपुरवठा व स्वच्छतामंत्री गुलाबराव पाटील यांनी केले. दसरा मेळाव्यावरून ठाकरे आणि शिंदे गट आमने-सामने आले आहेत. जसा जसा दसरा मेळावा जवळ येतोय, तसतसा शिंदे-ठाकरे गटात वाद वाढत असल्याचे चित्र आहे.