घराची मंजुरी आणण्याच्या मोबदल्यात पाच हजाराची लाच; ग्रामसेवक जाळ्यात

नाशिक: गरीबांसाठी घरकुल मिळावे म्हणून शासन एकीकडे प्रयत्न करीत असतांना दुसरीकडे काही शासकीय लोकसेवक या कामात लाच मागून अडथळे निर्माण करीत आहेत. अशीच एक घटना इगतपुरी तालुक्यातील अधरवड ग्रामपंचायतीच्या ग्रामसेवकासंदर्भात घडली आहे. रमाई घरकुल योजनेचा प्रस्ताव देऊन घराची मंजुरी आणली म्हणून त्याने पाच हजाराची मागितलेली लाच त्याच्या चांगलीच अंगलट आली आहे. 

आणखी वाचा

बेकायदा घराची कागदपत्रेही अनधिकृतच; भिवंडीतील पाच बेकायदा इमारतींना संरक्षण देण्यास उच्च न्यायालयाचा नकार

Pompeii: २५०० वर्षांपूर्वी भारतीय लक्ष्मी इटलीमध्ये कशी पोहोचली?

नायलॉन मांजामुळे सात जणांचा मृत्यू; मुंबईत १९ जणांविरोधात कारवाई

सोनसाखळी, वाहनचोरी करणारी टोळी उघडकीस; सराईत अटकेत, दोन अल्पवयीन ताब्यात

पुणे : बदला घेण्यासाठी पिस्तूल बाळगणारा गजाआड, एरंडवणेतील डीपी रस्त्यावर गुन्हे शाखेची कारवाई

ठाण्यात गेल्या वर्षभरात ७५ टक्के गुन्हे उघडकीस

मुंबई : अनधिकृत बांधकामांवर २०० टक्के दंड, अतिरिक्त आयुक्त अश्विनी जोशी यांचे निर्देश

गर्दीच्या वेळी लोकलमधून पडून तरूणाचा मृत्यू, पालकांना चार लाख रुपये नुकसाभरपाई देण्याचे उच्च न्यायालयाचे आदेश

घरकुलाला मंजुरी आणून दिल्याच्या मोबदल्यात एका तक्रारदाराकडून पाच हजार रुपयांची लाच स्वीकारतांना अधरवड ग्रामपंचायतीचा ग्रामसेवक हंसराज बंजारा (५२) यास लाचलुचपत प्रतिबंधक विभागाने ताब्यात घेतले. घरकुलाच्या प्रस्तावाला मंजुरी आणून देऊन घरकुलाचे शासकीय हप्ते विनाअडथळा बँक खात्यावर जमा करायचे होते. या कामाच्या मोबदल्यात तक्रारदाराकडून पाच हजार रुपयांची लाच ग्रामसेवक बंजाराने स्वीकारली. म्हणून त्याच्या विरोधात लाचलुचपत प्रतिबंधक विभागाने गुन्हा दाखल केला आहे.

हेही वाचा… शासकीय योजनांच्या प्रचारार्थ शिवदूत; शिवसेनेचे नियोजन

लाचलुचपत प्रतिबंधक विभागाच्या पोलीस निरीक्षक मीरा आदमाने, हवालदार पंकज पळशीकर, नाईक प्रवीण महाजन, प्रभाकर गवळी, नितिन कराड, चालक परशुराम जाधव यांच्या पथकाने ही कामगिरी केली. कोणी शासकीय अधिकारी लाच मागत असेल तर आमच्या कार्यालयाशी संपर्क करावा, असे आवाहन लाचलुचपत प्रतिबंधक विभागाच्या अधिकाऱ्यांनी केले असुन संबधित तक्रारदाराचे नाव गुप्त ठेवण्यात येईल, असे सांगण्यात आले आहे.