नाशिक : दिवाळीत हवेत गोळीबार करणाऱ्यास अटक

ऑक्टोबर २०२२ मध्ये दिवाळीत एका व्यक्तीने रहिवासी भागातील रस्त्यावर पिस्तुलीतून हवेत गोळीबार केला होता. गोळीबारातून फटाक्यासारख्या आवाजाचा आनंद घेण्याचा त्याचा प्रयत्न होता. शिवाय याचे छायाचित्रण त्याने समाज माध्यमात टाकले होते. दिवाळीत झालेल्या या प्रकाराची माहिती गुन्हे शाखेतील पोलीस अंमलदार प्रशांत मरकड यांना नुकतीच मिळाली. त्यानंतर संशयिताच्या शोधासाठी वरिष्ठ पोलीस निरीक्षक विजय ढमाळ यांनी प्रदीप म्हसदे, प्रवीण वाघमारे, प्रशांत मरकड, नाझिमखान पठाण, आसिफ तांबोळी आदींचे पथक रवाना केले.

आणखी वाचा

जळगावात अपक्ष उमेदवाराच्या घरावर गोळीबार

महायुतीला सत्ता मिळाली, लाडक्या बहिणींना २१०० रुपये कधीपासून…

अर्धी पृथ्वी टप्प्यात येईल असे ‘सूर्या’ क्षेपणास्त्र भारताकडे खरेच आहे का? पाकिस्तानी तज्ज्ञाचा दावा काय?

कोंढव्यात तिघांकडून चार पिस्तुले, दोन दुचाकी जप्त

ऐरोलीतील बंडखोरांना शिंदे गटाचे अभय? बेलापुरात कारवाई, ऐरोलीत आस्ते कदम

भारताच्या ‘पिनाका’ रॉकेट लाँचर्सची मागणी जगभरात; कारण काय? काय आहेत याची वैशिष्ट्ये?

वाढत्या विमान धमक्यांचा ५१० उड्डाणांवर परिणाम…धमकीखोरांच्या बंदोबस्तासाठी कोणत्या उपाययोजना? किती परिणामकारक?

हेही वाचा >>> नाशिक : आता युद्धाधारित कामगिरीवर प्रकाश, तोफखाना संग्रहालयाच्या अंतरंगात बदल

या पथकाने सातपूर-गंगापूर जोड रस्त्यावरील ध्रुवनगर भागातून आकाश आदकला (२४) राहत्या घरातून ताब्यात घेतले. दिवाळीत पिस्तुलीतून हवेत गोळीबार करून छायाचित्रण केल्याची कबुली संशयिताने दिली. तपासात हवेत गोळीबारासाठी संशयिताने वापरलेले दीड लाख रुपयांचे पिस्तुल हस्तगत करण्यात आले. या प्रकरणी गंगापूर पोलीस ठाण्यात शस्त्र कायद्यानुसार गुन्हा दाखल करण्यात आला आहे. पोलीस आयुक्त अंकुश शिंदे, उपायुक्त (गुन्हे व विशेष शाखा) प्रशांत बच्छाव, सहायक पोलीस आयुक्त वसंत मोरे यांच्या मार्गदर्शनाखाली गुन्हे शाखा युनिट एकच्या पथकाने ही कामगिरी केली.