लोकसत्ता प्रतिनिधी
नाशिक : निफाड तालुक्यातील विंचूर येथे नाशिक-येवला रस्त्यावरील स्टेट बँक ऑफ इंडियाचे एटीएम मोटारीतून आलेल्या चोरांनी गॅस कटरच्या सहाय्याने तोडून लाखो रुपयांची रक्कम लुटून नेली.
रात्री दीड वाजेच्या सुमारास चोरट्यांनी एटीएम केंद्रात प्रवेश करण्यापूर्वी सीसीटीव्ही कॅमेऱ्यावर फवारा मारला. त्यानंतर एटीएममधील सर्व रक्कम घेऊन ते फरार झाले. एटीएममध्ये गडबड होत असल्याचा संगणकीकृत संदेश लासलगाव पोलीस ठाण्यात येताच तातडीने सहायक निरीक्षक भास्करराव शिंदे यांच्या नेतृत्वाखाली पथक घटनास्थळी दाखल झाले. परंतु, तोपर्यंत चोरटे फरार झाले होते. बुधवारी सायंकाळी पाचच्या सुमारास एटीएममध्ये सुमारे ३३ लाख रुपये भरण्यात आले होते, असे समजते.
आणखी वाचा- सर, सहल दिवाळीपूर्वी नेली असती तर…जगाचा निरोप घेणाऱ्या सहावीतील मानसीच्या पत्राने शिक्षकांना गहिवर
निफाडचे पोलीस उपअधीक्षक डॉ. नीलेश पालवे हेदेखील तातडीने घटनास्थळी दाखल झाले. लासलगाव पोलिसांनी ठिकठिकाणी पथके रवाना केली असून लासलगाव पोलीस ठाण्यात गुन्हा दाखल करण्यात आला आहे.
