भुसावळ दुहेरी हत्याकांड : तिघांना सात दिवसांची पोलीस कोठडी

जळगाव – भुसावळ येथील भाजपचे माजी नगरसेवक संतोष बारसे, सामाजिक कार्यकर्ते सुनील राखुंडे यांच्या हत्याप्रकरणी अटक करण्यात आलेल्या तीन संशयितांना शुक्रवारी रात्री न्यायालयापुढे हजर करण्यात आले असता तिघांना सहा जूनपर्यंत पोलीस कोठडी सुनावण्यात आली. भुसावळ येथील जुना सातारा भागातील मरिमाता मंदिरानजीक पुलाजवळ २९ मेच्या रात्री माजी नगरसेवक बारसे व सामाजिक कार्यकर्ते राखुंडे यांची गोळ्या झाडून हत्या करण्यात आली. याप्रकरणी माजी नगरसेवक राजू भागवत सूर्यवंशी, बंटी पथरोड, शिव पथरोड, विनोद चावरिया यांच्यासह ११ जणांविरुद्ध भुसावळ शहर पोलीस ठाण्यात गुन्हा दाखल आहे.