नाशिक - जिल्ह्यातील सिन्नर-घोटी महामार्गावरील घोरवड घाटात तीन वाहनांचा अपघात झाला. या अपघातात दोनजण गंभीर जखमी झाले. अपघातामुळे मार्गावरील वाहतूक काही काळ विस्कळीत झाली. पोलिसांनी अपघातग्रस्त वाहने बाजूला केल्यावर वाहतूक पूर्ववत झाली. हेही वाचा - नाशिकमध्ये ऑटो अँड लाॅजिस्टिक प्रदर्शन; वाहतूक संघटनेचा पुढाकार मंगळवारी सकाळी हा अपघात झाला. महामार्गाने आयशर मालवाहतूक वाहन सिन्नरकडून घोटीकडे जात असताना घोरवड घाटात पाठीमागून दुसऱ्या मालवाहतूक वाहनाची धडक बसली. तसेच दुसऱ्या एका वाहनालाही धडक दिली. या अपघातात तीनही वाहनांचे नुकसान झाले. अपघातात आयशर वाहनचालक गोपाल यादव (३६, जबलपूर), चालक केशव कावळे (२४, रा. बीड) हे जखमी झाले. त्यांना सिन्नर येथे रुग्णालयात दाखल करण्यात आले.
