नाशिक : जळगावात दोन अपघातांत तीन तरुणांचा मृत्यू

हेही वाचा- जळगावातून फेब्रुवारीपासून विमानसेवा सुरु होणार

शहरातील गुजराल पेट्रोलपंपाजवळील उड्डाणपुलावरील दुभाजकावर भरधाव दुचाकी आदळून मयूर लंके-साळुंखे (१९, रा. पथराड, ता. धरणगाव), दीपक पाटील (२१, रा. बोरखेडा, ता. धरणगाव) हे दोघे मित्र मोटारीखाली सापडल्याने त्यांचा मृत्यू झाला. तर अजिंठा चौफुलीवर भरधाव मालमोटारीने नगीन राठोड (३८, रा. एमआयडीसी) याला चिरडले. शहरातील एमआयडीसी भागातील रहिवासी नगीन राठोड आणि उदय राठोड हे कामानिमित्त सुनसगाव येथे गेले होते. काम आटोपून जळगावात आल्यानंतर शनिवारी रात्री आठच्या सुमारास अजिंठा चौफुलीवर थांबलेले असताना आकाशवाणीकडून भुसावळकडे जाणार्‍या मालमोटारीने त्यांना जोरदार धडक दिली. त्यात नगीनचा म़त्यू झाला, तर उदय राठोड गंभीर जखमी झाला.