सुवर्णनगरीला झळाळी; जळगावसह जिल्ह्यात पंचवीस कोटींची उलाढाल

साडेतीन मुहूर्तावर विविध वस्तूंच्या खरेदीसह सोने-चांदी खरेदीलाही अनन्यसाधारण महत्त्व आहे. धनत्रयोदशीला एक ग्रॅम सोने खरेदी करण्यावर ग्राहकांचा भर असतो. यंदा शनिवारी व रविवार असे दोन दिवस धनत्रयोदशीचा मुहूर्त आहे. सकाळपासूनच सुवर्णपेढ्यांमध्ये धनत्रयोदशीचा मुहूर्त साधत सोने-चांदी खरेदीसाठी गर्दी झाल्याचे पाहायला मिळाले. आठवडाभरापासून सोने-चांदीच्या दरात चढ-उतार सुरू होते. आता दोन-तीन दिवसांपासून सोन्याच्या प्रतितोळ्याच्या दरा बाराशे, तर चांदीच्या प्रतिकिलो दरात तेवीसशे रुपयांची वाढ झाली असली, खरेदीसाठी उत्साह दिसून आला. शनिवारी सोन्याचा प्रतितोळा दर ५१ हजार ५०० रुपयांपर्यंत, तर चांदीचा प्रतिकिलो दर ५९ हजार रुपये होता. रविवारी सोने प्रतितोळा ५१ हजार ५०० रुपये आहे.

आणखी वाचा

मुंबई: मानखुर्द येथे चांदीचा ट्रक अडवला, ८० कोटींची आठ हजार ४७६ किलो वजनाची चांदी जप्त

महायुतीला सत्ता मिळाली, लाडक्या बहिणींना २१०० रुपये कधीपासून…

‘गोल्ड ईटीएफ’ना चमक; ऑक्टोबरमध्ये विक्रमी १,९६१ कोटींची गुंतवणूक

Gold Price Today : फक्त १५ दिवसांमध्ये सोने ५००० रुपयांनी झाले स्वस्त, जाणून घ्या आजचा सोन्या-चांदीचा दर

सोन्याचे दर ७० हजारांपर्यंत येणार? आणखी मोठी घसरण…

रत्नागिरीत प्रशासनाच्या सर्वेक्षण पथकाने ३५ लाखांचे सोने पकडले

सुवर्णवार्ता… सोन्याचे दर निच्चांकीवर… दिवाळीनंतर मोठी घसरण…

हेही वाचा : विश्लेषण : टी-२० विश्वचषक स्पर्धेत पाकिस्तान धोकादायक संघ… पण जगज्जेतेपदाची संधी किती?

विजयादशमीनंतर धनत्रयोदशीचा मुहूर्त साधत शहरासह जिल्ह्यात शनिवारी सोने-चांदीच्या विक्रीतून वीस ते पंचवीस कोटींची उलाढाल झाल्याचे सांगण्यात आले. सुवर्णनगरी जळगावमध्ये सुमारे पंधरा कोटींपेक्षा अधिक उलाढाल झाल्याचे सांगण्यात आले. यंदा करोनाचे सावट कमी झाल्याने खरेदी अधिक वाढली असल्याचे चित्र दिसून आले. लहान व कमी वजनाच्या दागिन्यांना ग्राहकांकडून अधिक पसंती होती. सोने दागिने, शुद्ध सोन्याचे तुकडे, लड, शिक्के यांसह कलाकुसरीच्या दागिन्यांना सर्वाधिक मागणी असल्याचे सुवर्ण व्यावसायिकांनी सांगितले.

हेही वाचा : मिलिंद नार्वेकरांचे अमित शहांशी चांगले संबंध ; गिरीश महाजन यांचा दावा

यंदा दोन दिवस धनत्रयोदशीचा मुहूर्त असून, या मुहूर्ताला अनन्यसाधारण महत्त्व आहे. विजयदशमीला ग्राहकांचा उत्स्फूर्त प्रतिसाद मिळाला होता. कलाकुसरीच्या दागिन्यांना सर्वाधिक पसंती होती. मुहूर्त साधत काहींनी विवाहासाठी दागिन्यांची खरेदी करीत आहेत. गुंतवणूकदारांकडूनही चांगला प्रतिसाद मिळत आहे.- कपिल खोंडे (खोंडे ज्वेलर्स, जळगाव)

हेही वाचा : नाशिक म्युनिसिपल कर्मचारी सेना कार्यालयाचा वाद चिघळला; ठाकरे गटाने अनधिकृतपणे प्रवेश केल्याची शिंदे गटाची तक्रार

शनिवारी धनत्रयोदशीचा मुहूर्त साधत राज्यातील ग्राहकांनी सुवर्णनगरीतून मोठ्या प्रमाणात खरेदी केली. सोने दागिने, सोन्याचे तुकडे, शिक्के यांसह फॅन्सी दागिन्यांना महिलांकडून पसंती दिली जात आहे. रविवारी सोने प्रतितोळे दर ५१ हजार ५०० रुपये आहे. गतवर्षाच्या तुलनेत यंदा खरेदीदारांची अधिक गर्दी आहे.- मनोहर पाटील (सरव्यवस्थापक, बाफना ज्वेलर्स, जळगाव)