लोकसत्ता प्रतिनिधी
नाशिक : अंबड औद्योगिक वसाहत परिसरातील चुंचाळे भागात घरफोड्या करणाऱ्या संशयिताला मंचर येथून ताब्यात घेत पोलिसांनी सहा घरफोडीचे गुन्हे उघडकीस आणले आहेत. अजून एका संशयिताला पोलिसांनी ताब्यात घेतले आहे. पोलिसांनी केलेल्या कारवाईत पाच लाख २२ हजार रुपयांचा मुद्देमाल जप्त करण्यात आला.
अंबड औद्योगिक वसाहत परिसरातील चुंचाळे पोलीस चौक हद्दीत घरफोडी करणाऱ्या संशयिताची माहिती पोलिसांना मिळाल्यावर माहितीची तांत्रिक आणि मानवी संसाधनाच्या आधारे तपासणी करुन प्रभारी पोलीस निरीक्षक मनोहर कारंडे यांच्या मार्गदर्शनाखाली गुन्हे शोध पथकाच्या कर्मचाऱ्यांनी पथक तयार केले. उपनिरीक्षक संदीप पवार यांच्या नेतृत्वाखालील पथकाने तपास केला असता संशयित मंचर येथे असल्याची माहिती मिळाली.
आणखी वाचा-हिंदूप्रमाणेच इतरांनीही कायद्याचे पालन करावे – नितेश राणे यांचे आवाहन
पथकाने मंचर गाठत संशयित भारत खरात (३५, रा.मंचर) याला ताब्यात घेतले. दुसरा संशयित फरार आहे. भारतने साथीदारासह अंबड परिसरात सात ठिकाणी बंद घर, कंपन्यामधून पाच लाख २२ हजार रुपये किंमतीचे सोने, चांदी आणि इतर धातुंची चोरी केल्याची कबुली दिली. त्याचा साथीदार सोनु कांबळे याला देखील पोलिसांनी ताब्यात घेतले असून अन्य संशयित फरार आहे.
