नाशिक : नाशिकरोडजवळील विहितगाव परिसरात मध्यरात्री समाजकंटकांनी इमारतींच्या वाहनतळात उभ्या असलेल्या वाहनांची जाळपोळ आणि तोडफोड करीत धुमाकूळ घातला. ज्वलनशील पदार्थ टाकून दुचाकी पेटविल्या. अन्य एका इमारतीतील वाहनांची कोयत्याने तोडफोड करण्यात आली. यात अनेक वाहनांचे नुकसान झाले आहे. या घटनेमुळे शहर हादरले असून नागरिक भयभीत झाले आहेत. टवाळखोरांची गय केली जाणार नसल्याचे पालकमंत्री दादा भुसे यांनी म्हटले आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

काही दिवसांपूर्वी सिडको परिसरात मद्यपी समाजकंटकांनी वाहनांची तोडफोड केली होती. त्याचीच पुनरावृत्ती आता विहितगाव येथे झाली. विहितगावमधील रामकृष्ण हरी प्राइड इमारतीच्या वाहनतळात हा प्रकार घडला. दोन संशयितांनी केलेल्या जाळपोळीचा संपूर्ण घटनाक्रम सीसीटीव्हीत कैद झाला आहे. पहाटे दोन वाजता कोयता घेऊन संशयित वाहनतळात आले. ज्वलनशील पदार्थ टाकून त्यांनी वाहनतळातील दुचाकी पेटवून दिल्या. नंतर रस्त्यालगत उभ्या असलेल्या वाहनांवर कोयत्याने हल्ला केला. परिसरात दहशत पसरविली. या घटनेत सुमारे अनेक वाहनांचे नुकसान झाल्याचे स्थानिकांकडून सांगण्यात आले. या घटनेची माहिती समजताच सकाळी वरिष्ठ पोलीस अधिकारी पथकासह दाखल झाले.

आणखी वाचा

हेही वाचा… मारहाणीमुळे जखमी महिला कर्मचाऱ्याचा मृत्यू; धुळ्यातील ड्रीम्स हर्बल कंपनीच्या मालकास अटक

https://www.loksatta.com/wp-content/uploads/2023/07/WhatsApp-Video-2023-07-24-at-12.55.32.mp4
Video : नाशिकमध्ये समाजकंटकांचा धुमाकूळ; अनेक वाहनांची जाळपोळ, तोडफोड

यापूर्वीही शहरात वाहनांची जाळपोळ आणि तोडफोडीच्या घटना घडल्या आहेत. त्यात काही घटनांमध्ये गुन्हेगारी टोळ्यांचा सहभाग उघड झाल्याचा इतिहास आहे. आपले वर्चस्व निर्माण करण्यासाठी तसेच पोलिसांना धडा शिकविण्यासाठी वाहनांची जाळपोळ करण्यापर्यंत गुन्हेगारांची मजल गेली आहे.

हेही वाचा… निश्चितीनंतरही गाईच्या दूध दरात घसरण; शेतकरी संघटनेचा आक्षेप

गय केली जाणार नाही

नाशिकमध्ये गाड्यांची तोडफोड आणि जाळपोळ झाल्याची घटना घडली आहे. नाशिकरोडच्या विहितगाव परिसरात युवकांनी दहशत माजविण्याचा प्रयत्न केला. यामध्ये काही युवकांनी कोयता मिरवित गाड्यांची तोडफोड केली आहे. या समाज कंटकांवर कडक कारवाई करण्यात येईल. सीसीटिव्हीच्या आधारे संशयितांची ओळख पटली असून टवाळखोरांची गय केली जाणार नाही. संशयितांचा तातडीने शोध घेण्याचे निर्देश पोलीस आयुक्तांना देण्यात आले आहेत. – दादा भुसे, (पालकमंत्री नाशिक)

काही दिवसांपूर्वी सिडको परिसरात मद्यपी समाजकंटकांनी वाहनांची तोडफोड केली होती. त्याचीच पुनरावृत्ती आता विहितगाव येथे झाली. विहितगावमधील रामकृष्ण हरी प्राइड इमारतीच्या वाहनतळात हा प्रकार घडला. दोन संशयितांनी केलेल्या जाळपोळीचा संपूर्ण घटनाक्रम सीसीटीव्हीत कैद झाला आहे. पहाटे दोन वाजता कोयता घेऊन संशयित वाहनतळात आले. ज्वलनशील पदार्थ टाकून त्यांनी वाहनतळातील दुचाकी पेटवून दिल्या. नंतर रस्त्यालगत उभ्या असलेल्या वाहनांवर कोयत्याने हल्ला केला. परिसरात दहशत पसरविली. या घटनेत सुमारे अनेक वाहनांचे नुकसान झाल्याचे स्थानिकांकडून सांगण्यात आले. या घटनेची माहिती समजताच सकाळी वरिष्ठ पोलीस अधिकारी पथकासह दाखल झाले.

आणखी वाचा

हेही वाचा… मारहाणीमुळे जखमी महिला कर्मचाऱ्याचा मृत्यू; धुळ्यातील ड्रीम्स हर्बल कंपनीच्या मालकास अटक

https://www.loksatta.com/wp-content/uploads/2023/07/WhatsApp-Video-2023-07-24-at-12.55.32.mp4
Video : नाशिकमध्ये समाजकंटकांचा धुमाकूळ; अनेक वाहनांची जाळपोळ, तोडफोड

यापूर्वीही शहरात वाहनांची जाळपोळ आणि तोडफोडीच्या घटना घडल्या आहेत. त्यात काही घटनांमध्ये गुन्हेगारी टोळ्यांचा सहभाग उघड झाल्याचा इतिहास आहे. आपले वर्चस्व निर्माण करण्यासाठी तसेच पोलिसांना धडा शिकविण्यासाठी वाहनांची जाळपोळ करण्यापर्यंत गुन्हेगारांची मजल गेली आहे.

हेही वाचा… निश्चितीनंतरही गाईच्या दूध दरात घसरण; शेतकरी संघटनेचा आक्षेप

गय केली जाणार नाही

नाशिकमध्ये गाड्यांची तोडफोड आणि जाळपोळ झाल्याची घटना घडली आहे. नाशिकरोडच्या विहितगाव परिसरात युवकांनी दहशत माजविण्याचा प्रयत्न केला. यामध्ये काही युवकांनी कोयता मिरवित गाड्यांची तोडफोड केली आहे. या समाज कंटकांवर कडक कारवाई करण्यात येईल. सीसीटिव्हीच्या आधारे संशयितांची ओळख पटली असून टवाळखोरांची गय केली जाणार नाही. संशयितांचा तातडीने शोध घेण्याचे निर्देश पोलीस आयुक्तांना देण्यात आले आहेत. – दादा भुसे, (पालकमंत्री नाशिक)