नाशिक – जिल्हाधिकारी कार्यालयात नववर्षात आठवड्याच्या पहिल्या दिवशी म्हणजे सोमवारी शासकीय अधिकारी व कर्मचारी विशिष्ट रंगाच्या पेहरावात दिसतील. तसेच संबंधितांना दररोज ओळखपत्र दिसेल अशा पद्धतीने गळ्यात टाकावे लागणार आहे. महिन्यातून एकदा म्हणजे पहिल्या सोमवारी त्यांनी खासगी वाहनाऐवजी सार्वजनिक वाहतूक व्यवस्थेने कार्यालयात ये-जा करावी, अशी सूचना करण्यात आली आहे.

निवासी उपजिल्हाधिकारी राजेंद्र वाघ यांनी जिल्हाधिकारी कार्यालयासह उपविभागीय अधिकारी, तहसीलदार कार्यालयास या संदर्भात सूचना केल्या आहेत. शासकीय कार्यालयात अनेक अधिकारी, कर्मचारी ओळखपत्राचा वापर करत नाहीत. एखाद्या नागरिकाने विचारणा केल्यावर ओळखपत्र दाखवत नाहीत. हे अयोग्य असल्याचे वाघ यांनी सूचित केले. जिल्हाधिकारी कार्यालयात विविध कामांसाठी नागरिक येतात. त्यांना शासकीय अधिकारी व कर्मचाऱ्यांची ओळख होण्यासाठी गणवेश आणि त्यांचे नाव, पदनाम ज्ञात होण्यासाठी ओळखपत्र ठेवणे बंधनकारक करण्यात आले आहे. गणवेशाचे बंधन प्रत्येक आठवड्याच्या पहिल्या सोमवारी असून ओळखपत्र मात्र दररोज सर्वांना दिसेल अशा पध्दतीने बाळगावे लागणार आहे.

nashik district collector jalaj sharma
नववर्षात जिल्हाधिकाऱ्यांसह अधिकारी-कर्मचारी गणवेशात, जलज शर्मा यांच्यासह मनिषा खत्री यांचीही पायी भ्रमंती
bjp ravindra chavan
Ravindra Chavan : ‘उपरा’ डोंबिवलीकर ते भाजप प्रदेश…
why new year starts on 1st January
काळाचे गणित : नवं कॅलेंडर
Shri Swami Samarth Annachhatra Mandal provides Mahaprasad to 1.5 million devotees in 15 days
श्री स्वामी समर्थ अन्नछत्र मंडळात १५ दिवसांत १५ लाख भाविकांना महाप्रसाद
Punekars New Year Resolution funny Video
पुणेकरांनो, नववर्षाचा संकल्प असावा तर असा! तरुणानं ३१ डिसेंबरला रात्री १२ वाजता केलं असं काही की…; VIDEO पाहून हसाल पोट धरून
pune police action on 85 drunkards
पुणे : नववर्षाच्या मध्यरात्री ८५ मद्यपी जाळ्यात, बेशिस्त वाहनचालकांकडून २० लाखांचा दंड वसूल
Crowds gather at the wealthy Dagdusheth Halwai Ganapati temple for darshan Pune news
नववर्षाच्या पहिल्या दिवशी भाविकांची दर्शनासाठी गर्दी; मध्यभागात कोंडी
CM Devendra Fadnavis On Happy New Year 2025
Happy New Year 2025 : “महाराष्ट्र आता थांबणार नाही…”, मुख्यमंत्री फडणवीस, उपमुख्यमंत्री शिंदे अन् अजित पवारांनी दिल्या नववर्षाच्या शुभेच्छा

हेही वाचा >>>टाकेहर्षची पाण्यासाठी वणवण, हंडा मोर्चाचा इशारा

प्रदूषण आणि इंधनाचा वापर कमी करण्यासाठी एक जानेवारीपासून सर्व अधिकारी व कर्मचाऱ्यांनी प्रत्येक महिन्याच्या पहिल्या सोमवारी जिल्हाधिकारी कार्यालयात ये-जा करण्यासाठी वैयक्तिक वाहनाऐवजी सार्वजनिक वाहतूक व्यवस्थेचा वापर करावा, असे सांगण्यात आले आहे.

गणवेशाचे स्वरुप

नवीन वर्षात प्रत्येक आठवड्याच्या पहिल्या सोमवारी अधिकारी-कर्मचाऱ्यांनी फिकट निळ्या रंगाचा सदरा आणि काळ्या रंगाची विजार तर, महिला अधिकारी व कर्मचाऱ्यांनी फिकट पिवळ्या रंगाची साडी, पिवळ्या रंगाचे ब्लाऊज अथवा पिवळ्या रंगाचे सलवार कमीज परिधान करावे, असे सूचित करण्यात आले आहे. नाशिक जिल्ह्यातील कार्यालयातील कर्मचारी आठवड्यात एक दिवस अशा पेहरावात दिसतील.

Story img Loader