टंचाई निवारणार्थ गिरणा धरणातून आवर्तन; जळगावमधील १०८ गावांना लाभ

तीव्र उन्हाच्या झळा बसत असल्याने टंचाईग्रस्त गावांची संख्या वाढत आहे. जिल्हाधिकारी अमन मित्तल, गिरणा पाटबंधारे विभागाचे कार्यकारी अभियंता देवेंद्र अग्रवाल यांच्या आदेशावरून रविवारी सायंकाळी सहाच्या सुमारास गिरणा धरणातून नदीपात्रात चौथे आवर्तन सोडण्यात आले असून ते थेट जळगाव तालुक्यातील कानळद्यापर्यंत पोहोचेल. त्यामुळे त्याचा चाळीसगाव, भडगाव, पाचोरा, धरणगाव, एरंडोल, जळगाव आदी तालुक्यांतील १०८ गावांना लाभ होईल. तसेच भडगाव व पाचोरा पालिका हद्दीतही या पाण्यामुळे टंचाईवर मात करता येणार आहे. रब्बी हंगामासाठी यापूर्वी तीन आवर्तने सोडण्यात आली होती. आता दोन आवर्तने पिण्यासाठी सोडण्यात येणार आहेत. त्यानुसार हे आवर्तन सोडण्यात आले. चौथ्या आवर्तनात दोन हजार क्युसेस वेगाने पाणी सोडण्यात आले आहे. तर १४०० दशलक्ष घनफूट पाणी आरक्षित असेल. जलसंपदा विभागासोबत पालकमंत्र्यांनी घेतलेल्या बैठकीत यंदा पाच आवर्तने सोडण्याचा निर्णय झाला होता. पाचवे आवर्तन जूनमध्ये सोडण्यात येणार आहे.

आणखी वाचा

हवामान प्रकोपाचे गतवर्षांत देशात २४०० बळी, जाणून घ्या, उष्णतेच्या झळांची स्थिती काय

Pompeii: २५०० वर्षांपूर्वी भारतीय लक्ष्मी इटलीमध्ये कशी पोहोचली?

हरित वायू उत्सर्जनात मोठा दिलासा, जाणून घ्या, हरित वायू उत्सर्जनाची स्थिती

पुणे शहरातील टेकड्याच्या सुरक्षितेतच्यादृष्टीने उपाययोजना करा, वन अधिकार्‍यांना चंद्रकांत पाटील यांच्या सूचना

मानव-वन्यजीव संघर्ष कमी करण्याचा मार्ग चंद्रपुरातूनच – वनमंत्री

समुद्रात कार्बन शोषणारी यंत्रणा कोलमडण्याची शक्यता, शास्त्रज्ञ डॉ. के. कथीरेसन यांनी व्यक्त केली भिती

मुंबईकरांनी आणखी किती काळ धुक्याचे वातावरण पाहायचे ? वायू प्रदुषणाची समस्या कायम असल्यावरून उच्च न्यायालयाची विचारणा

१,९०५ गृहप्रकल्पांवर ‘महारेरा’ची कारवाई; नोटिशीला प्रतिसाद न देणाऱ्या विकासकांची बॅँक खाती गोठवली

हेही वाचा – अकोला शहरातील इंटरनेट सेवा बंद; शहरात तणावपूर्ण शांतता; बाजारपेठ बंद, कोट्यवधींचे व्यवहार ठप्प

यापूर्वी गिरणा धरणातून शेवटचे दीड हजार क्युसेस पाण्याचे आवर्तन मार्चमध्ये सोडले होते. रविवारी चौथ्या आवर्तनानंंतर धरणात २२ टक्के जलसाठा शिल्लक राहील. पावसाळा लांबल्यास त्यातून पाचवे आवर्तन सोडले जाऊ शकते. गिरणा धरणातील पाणी आता पिण्यासाठी आरक्षित आहे. १६ डिसेंबर २०२२ रोजी पहिले आवर्तन सोडण्यात आले होते. दरम्यान, गिरणा धरणात मे २०१५ मध्ये अवघा ११ टक्के जलसाठा होता. तरीही पाटबंधारे विभागाकडून जलवाहिनीद्वारे वर्षभर पाणी पुरविण्यात आले होते. यंदा पाच आवर्तने सोडल्यानंतरही धरणात २२ टक्के जलसाठा शिल्लक राहू शकतो. त्यामुळे पावसाळा लांबला तरी पाण्याची झळ बसणार नाही.

हेही वाचा – श्री सप्तश्रृंगी देवीच्या मंदिर सभामंडप जीर्णोद्धार प्रकल्पासाठी ११ लक्ष देणगी अर्पण

कृषिपंप बंद ठेवण्याचे आवाहन

पिण्याच्या पाण्याची टंचाई निर्माण होऊ नये यादृष्टीने गिरणा धरणातून चौथे आवर्तन सोडण्यात आले आहे. नदीकाठावरील लोकांनी सावध राहावे. हे आवर्तन पिण्यासाठीच असून त्याचा उपयोग शेतीसाठी करू नये. आवर्तन सोडलेल्या काळात नदीकाठचे कृषिपंप बंद ठेवावेत. पाणीपुरवठा योजनांचे पंप सुरू राहतील; अन्यथा पाणीचोरी करणाऱ्यांवर कारवाई करण्यात येईल. जनतेने पाण्याचा जपून वापर करावा. – हेमंत पाटील (उपविभागीय अभियंता, पाटबंधारे उपविभाग, चाळीसगाव)