इमारतीच्या १४ व्या मजल्यावरुन पडून कामगाराचा मृत्यू

नाशिक : शहरातील गोविंद नगरात शुक्रवारी बांधकाम सुरु असलेल्या इमारतीच्या १४ व्या मजल्यावरुन पडल्याने कामगाराचा मृत्यू झाला. याप्रकरणी मुंबई नाका पोलीस ठाण्यात नोंद करण्यात आली आहे.गोविंद नगरातील आरडी सर्कल येथे विराज इस्टेट या इमारतीचे बांधकाम चालु आहे. शुक्रवारी सकाळी साडेआठ वाजेच्या सुमारास विश्वजीत विश्वास ( २०,रा. पश्चिम बंगाल) हा कामगार १४ मजल्यावर काम करत असताना लोखंडी पट्टी त्याच्यावर पडली. त्यामुळे विश्वजीत लोखंडी पट्टीसह कोसळला. त्याचा जागीच मृत्यू झाला.