जळगाव: अतिक्रमण काढण्याच्या मागणीसाठी पेट्रोल ओतून आत्मदहनाचा तरुणांचा प्रयत्न

जळगाव: भडगाव तालुक्यातील कजगाव येथील बसस्थानक परिसरातील अतिक्रमण काढावे, या मागणीसाठी तक्रारदार चार तरुणांनी मंगळवारी दुपारी पाचोरा येथील प्रांताधिकारी कार्यालयासमोर अंगावर पेट्रोल ओतून आत्मदहनाचा प्रयत्न केला. पोलिसांच्या सतर्कतेने अनर्थ टळला. दरम्यान, यातील एकाने चार वेळा असा आत्मदहनाचा प्रयत्न केला होता.

आणखी वाचा

‘शिकारी खुद यहां शिकार हो गया’, सायबर चोरट्याचा पोलिसाला गंडा घालण्याचा प्रयत्न; नंतर झालं असं काही

१८ नोव्हेंबर पंचांग: संकष्टी चतुर्थी १२ पैकी कोणत्या…

पोलीस असल्याच्या बतावणीने सराफाची फसवणूक; सोनसाखळी चोरून चोरटा पसार

दारूच्या नशेत पोलिसांचे लज्जास्पद कृत्य, रस्त्याच्या मधोमध पँटची चेन उघडली अन्…; घटनेचा VIDEO व्हायरल

पुणे : शहरात लुटमारीचे प्रकार वाढीस, दुचाकीस्वार तरुणांना लुटले

पुणे: एटीएम फोडून रोकड चोरणारी हरयाणातील टोळी गजाआड, स्थानिक गुन्हे शाखा आणि शिरूर पोलिसांची कामगिरी

प्रकरण मिटवण्यासाठी मागितली साडेचार लाखांची लाच, नया नगरच्या लाचखोर पोलिसाला अटक

Flies Helped Police : पोलिसांनी उडत्या माश्यांच्या मदतीने कसा लावला १९ वर्षीय आरोपीने केलेल्या हत्येचा छडा?

भडगाव तालुक्यातील कजगाव बसस्थानक परिसर अतिक्रमणाच्या विळख्यात आहे. तेथील अतिक्रमण काढण्याबाबत तक्रारदार भूषण पाटील, स्वप्नील पाटील, चेतन पाटील व जीवन चव्हाण (सर्व रा. कजगाव, ता. भडगाव) यांनी जिल्हाधिकारी कार्यालयासह भडगाव तहसील कार्यालय, पंचायत समिती, जिल्हा परिषद प्रशासनाकडे निवेदनांसह तक्रार अर्ज केले आहेत. अतिक्रमण काढण्याबाबत प्रशासनाकडून कोणतीही कार्यवाही झाली नाही. या संदर्भात यापूर्वी या तरुणांपैकी एकाने जिल्हाधिकारी कार्यालयासमोर आत्मदहनाचा प्रयत्न केला होता. मात्र, त्यावेळीही खोटी आश्‍वासने देत अतिक्रमण काढण्यात टाळाटाळ केली जात आहे.

हेही वाचा… खासगी व्यापाऱ्याकडे एकात्मिक बालविकासचा शिधा; ८३ हजाराचा ऐवज जप्त

जळगाव-मनमाड या राष्ट्रीय महामार्गावरील कजगावची लोकसंख्या सुमारे २० हजारांपर्यंत असून, गावात केळीची मोठी बाजारपेठ व रेल्वेस्थानक असल्याने, २५ खेड्यांतील ग्रामस्थांचा संपर्क आहे. बसस्थानक परिसर अतिक्रमणांनी वेढले गेले आहे. त्यामुळे प्रवाशांसह वाहतुकीस मोठी अडचण निर्माण होत आहे. शिवाय, अतिक्रमणांमुळे बसही थांबत नसल्यामुळे प्रवाशांना थेट महामार्गावर थांबावे लागते. त्यामुळे बसस्थानक परिसरातील अतिक्रमण काढावे, अशी मागणी निवेदनांद्वारे वारंवार केली. मात्र, प्रशासनाकडून कुठलीही दखल घेतली जात नाही. अखेर या चारही तरुणांनी मंगळवारी (२३ मे) दुपारी एकच्या सुमारास पाचोरा येथील प्रांताधिकारी कार्यालयासमोर अंगावर पेट्रोल ओतून आत्मदहनाचा प्रयत्न केला. यावेळी पोलीस प्रशासनासह अग्निशमन विभागाच्या कर्मचार्‍यांच्या सतर्कतेने त्यांचा आत्मदहनाचा प्रयत्न हाणून पाडला.