नवी मुंबईच्या विकास आराखड्यावर तुरळक हरकती

तेव्हापासून ६० दिवसात या प्रारुप विकास आराखड्यावर हरकती व सूचना नोंदविण्याची मुदत देण्यात आली आहे. प्रारुप विकास आराखडा हा सिडकोच्या दबावापुढे तयार करण्यात आल्याचे स्पष्ट दिसून येत आहे. पालिकेने या आराखड्यात ५४५ विस्र्तीण अशा भूखंडावर आरक्षण टाकले होते. याठिकाणी पालिकेला भविष्यात खेळाचे मैदान, उद्यान, शाळा, रुग्णालय, क्रीडासंकुल, अशा सुविधा निर्माण करण्याचे प्रयोजन होते पण सिडकोने त्यावर हरकत घेतली. भूखंड विक्रीतून निधी जमा करणे हे सिडकोचे काम असून पालिकेने सिडको मालकीच्या भूखंडावर आरक्षण टाकले तर सिडकोने विक्री कशी करणार आणि विमानतळ, मेट्रो, रेल्वे सारखे प्रकल्प कसे उभे करणार असा युक्तीवाद नगरविकास विभागाकडे केला. त्यामुळे पालिकेला नगरविकास विभागापुढे नमते घ्यावे लागले. पालिकेने या विकास आराखड्यात बदल करुन सुमारे ३५० भूखंडांवर पाणी सोडले. प्रारुप विकास आराखड्यात ६२५ भूखंडावरील आरक्षण दाखविण्यात आले असले तरी हे आरक्षण फुटकळ आहे.

आणखी वाचा

दहिसरमधील बेवारस वाहनांचा पालिका लिलाव करणार

‘मुलुंडचे लवकरच नवीन धारावी नामांतर’, संतप्त मुलुंडवासियांकडून मुलुंडमध्ये…

फेरीवालामुक्त परिसर मोहिमेअंतर्गत पालिकेचा कारवाईचा बडगा

पहाडी गोरेगावमधील ३५ मजली इमारतीचे बांधकाम पूर्ण; मार्च अखेरपर्यंत निवासी दाखला मिळवण्याचे म्हाडाचे नियोजन

नैना क्षेत्रातील १०६२ शेतकऱ्यांच्या हरकतींवर लवादाकडून सुनावणी

Cidco Scheme Deadline: ‘सिडको’नं परवडणाऱ्या घरांसाठी अर्जाची मुदत वाढवली, आता ‘या’ तारखेपर्यंत करता येणार अर्ज!

मोरा-मुंबई रो रो सेवा मार्च २०२६ पर्यंत कार्यान्वित; अनेक महिने बंद असलेले काम पुन्हा सुरू

‘जेएनपीए’च्या विस्ताराला बळ, केंद्रीय मंत्री सोनोवाल यांच्या उपस्थितीत दोन हजार कोटींच्या प्रकल्पांना प्रारंभ

रस्ते, वाहनतळ, पदपथ अशा सुविधांसाठी हे आरक्षण असल्याने ही संख्या ६२५ भूखंडांनी केवळ नवी मुंबईकारंची दिशाभूल करण्यासाठी फुगविण्यात आली आहे. सिडको आणि पालिकेच्या तहात पालिकेला मोठ्या भूखंड हातातून गेले आहेत. भविष्यात नवी मुंबईची लोकसंख्या ४० ते ५० लाख होणार असून या लोकसंख्येला लागणाºया सेवा सुविधा देणे शक्य होणार नाही.त्यामुळे नियोजन बध्द असलेले शहर नंतर अनियोजित होणार असल्याचे वास्तुविशारदांचे मत आहे. नवी मुंबईला नेहमीच बेडसिटी मानणाऱ्या नवी मुंबईकर विकास आराखड्यावर व्यक्त होत नसल्याचे हरकती व सूचनांच्या संख्येवरुन दिसून येत आहे.