पालिकेचा परवाना न घेणाऱ्या ८०० उपाहारगृहांना लवकरच टाळे

एकूण एक हजार ५०५ उपाहारगृह आहेत. यातील अनेक उपाहारगृहांनी चारही बाजूने असलेल्या मोकळ्या जागा हडप केल्या आहेत. त्या जागांवर उपाहारगृहे वाढविण्यात आली आहेत. काही उपाहारगृहांमध्ये अंतर्गत बदल करण्यात आले आहेत. पहिल्या मजल्यावरील सदनिका काबीज केलेल्या आहेत. त्यामुळे मध्यंतरी वाशीतील एका नागरिकाने मुंबई उच्च न्यायालयात जनहित याचिका दाखल केली होती. १४ बडय़ा उपाहारगृह मालकांच्या विरोधात दंड थोपटले होते. न्यायालयाच्या आदेशाने उपाहारगृहांवर कारवाई करण्यात आली. काही उपाहारगृहांनी पालिकेची पाठ फिरताच पुन्हा बांधकामे केली. पालिका या उपाहारगृहांवर पुन्हा कारवाई करणार आहे. उपाहारगृहाच्या चारी बाजूंकडील मोकळ्या जागा व्यवसायासाठी हडपल्या.

आणखी वाचा

वसईत आरटीई  प्रवेशासाठी १५३ शाळांत साडेतीन हजार जागा राखीव; प्रवेश प्रक्रियेला सुरुवात

Pompeii: २५०० वर्षांपूर्वी भारतीय लक्ष्मी इटलीमध्ये कशी पोहोचली?

पिंपरी- चिंचवमधील वाल्मिक कराडच्या फ्लॅटचा लिलाव तूर्तास टळला; वाल्मिकचे दोन फ्लॅट असल्याचं झालं होतं उघड

पुण्यातील सात खासगी रुग्णालयांकडून नियमभंग! महापालिकेने उचलले कारवाईचे पाऊल 

वाल्मीक कराडची वाकडमधील सदनिका सील करणार; पिंपरी महापालिकेचा निर्णय; दीड लाख रुपयांची थकबाकी

नवी मुंबईतील इस्कॉन मंदिराचे पंतप्रधान मोदींच्या हस्ते उद्घाटन… इस्कॉनचा इतिहास काय? ही संस्था कशी चालविली जाते?

मुंबई : व्ही. एन. देसाई रुग्णालयातील नूतनीकरणाच्या कामामुळे रुग्णांची गैरसोय

साहित्य संमेलनासाठी महाराष्ट्र सदन मोफत

बेलापूर, नेरुळ येथील उपाहारगृहावर कारवाई सुरू असताना पालिकेने शहरातील सुमारे ८०० उपाहारगृहांवर कार्यवाही करण्याच्या हालचाली सुरू केल्या आहेत. उपाहारगृहासाठी अन्न आणि औषध प्रशासन ते गुमास्ता परवान्यासह दहा परवाने घ्यावे लागतात. त्यात स्थानिक प्राधिकरण या नात्याने पालिकेच्या परवाना महत्त्वाचा मानला असतो; मात्र अनेकांनी परवान्याचे नूतनीकरणही केलेले नाही. त्यामुळे दंड आकारून हा परवाना नूतनीकरण करण्यात यावा, अशी नोटीसही पालिकेने यापूर्वी दिलेली आहे. त्यामुळे पालिकेचा परवाना विभाग आता या उपाहारगृहांना सील ठोकण्याचा विचार करीत आहे. नवीन आयुक्त तुकाराम मुंढे यांच्या धडक करवाईमुळे शहरातील बेकायदेशीर कामे करणाऱ्या घटकांचे धाबे दणाणले असून चांगले काम करणाऱ्या अधिकाऱ्यांना बळ प्राप्त झाले आहे. त्यामुळे उपाहारगृहांच्या विरोधात ही कारवाई लवकरच होणार आहे.

शहरातील अनेक हॉटेल्सना दोन नोटिसा देऊनही त्यांनी नवीन परवाना किंवा नूतनीकरण प्रक्रिया सुरू केलेली नाही. त्यामुळे पालिकेला गृहीत धरणाऱ्या या हॉटेल्स चालकांवर कारवाई केली जाणार आहे.

अंकुश चव्हाण, अतिरिक्त आयुक्त, नवी मुंबई पालिका