पनवेलमध्ये शनिवारी सर्व शाळा बंद

पनवेल: पनवेल पालिका क्षेत्रातील सर्व शासकीय आणि खासगी शाळा शनिवारी बंद ठेवण्याचे परिपत्रक पालिकेने गुरुवारी रात्री प्रसिद्ध केले. ज्येष्ठ निरूपणकार आप्पासाहेब धर्माधिकारी यांना रविवारी महाराष्ट्र भूषण पुरस्काराने खारघर येथील कॉर्पोरेट पार्क येथील मैदानावर सन्मानित करण्यात येणार असल्याने शुक्रवारपासून (ता.१४) पनवेलच्या विविध भागांत राज्यभरातील विविध ठिकाणांहून श्री-सदस्य एकवटण्यास सुरुवात होईल. यामुळे खबरदारी म्हणून पनवेलच्या विविध शाळांमधील शालेय विद्यार्थ्यांची अडचण होऊ नये यासाठी पालिकेने खबरदारी म्हणून शाळा बंदची घोषणा केली आहे. पालिकेचे उपायुक्त विठ्ठल डाके यांनी याबाबत गुरुवारी रात्री परिपत्रक काढून याबाबतची माहिती दिली. सुमारे २० लाख श्री-सदस्य खारघर येथे रविवारी पुरस्कार सोहळ्यासाठी एकवटणार असल्याने शनिवारपासून श्री-सदस्य पनवेलमध्ये दाखल होण्याचा अंदाज पालिकेने बांधला आहे.

आणखी वाचा

ठाण्यात शुक्रवारी पाणी नाही; काही भागात दोन दिवस टप्प्याटप्प्याने होणार पाणीपुरवठा

Chastity Belt: योनी शुचिता पट्ट्याचा इतिहास आणि त्यामागील…

वर्धा : कर्तव्यात कसुर; मुख्याध्यापक निलंबित; शालेय पोषण आहार विषबाधा प्रकरण

शिक्षकांसाठी मोठी बातमी! वेतनात २० टक्के वाढ होणार?

वसई : २९ गावांचे प्रकरण तापले, सुनावणीची प्रक्रिया बेकायदेशीर असल्याचा आरोप

कुर्ल्यातील बस स्थानक बंद केल्याने प्रवाशांना पायपीट

४० हून अधिक शाळांना बॉम्बच्या धमक्या, पालकांच्या चिंतेत वाढ; नेमकं प्रकरण काय?

पिंपरी-चिंचवड: “अनधिकृत गोदामांवर नंतर बोलू आधी आग विझवू”, अतिरिक्त आयुक्तांची अनधिकृत गोदामांना बगल!

सार्वजनिक वाहतूक व्यवस्था म्हणजे बस, रेल्वे, हलक्या वाहनांमधून ८ लाख ४३ हजार २४० श्री-सदस्य येतील. तसेच खासगी बसमधून ९ लाख १५ हजार ७६०, खासगी मोटारीतून ७७ हजार श्री-सदस्य येणार असे नियोजन धर्माधिकारी प्रतिष्ठानने केले आहे. ही सर्व वाहने १६ हजार ६५० असतील. मुख्य कार्यक्रमाच्या ठिकाणी येण्याकरिता टाटा मेमोरिअल कॅन्सर रुग्णालय, गुरुद्वारा, गोल्फचे मैदान, उत्सव चौक, खारघर स्टेशन, मुंब्रा-पनवेल महामार्ग, शीव-पनवेल महामार्गाने येण्याची व्यवस्था करण्यात आली आहे.

वाहनतळासाठी तीन वेगवेगळ्या बाजूंना वाहने उभी करण्याची सोय केली आहे.

कोकण, पुणे, सातारा, सांगली, कोल्हापूर, नगर, सोलापूर, बीड, लातूर, नांदेड, उस्मानाबाद, कर्नाटक, आंध्र प्रदेश, केरळ या ठिकाणांहून वाहने येतील. कोपरा, मुरबी गावाचे मैदान, एक्सस्टोर, खारघर सेक्टर-१६, कळंबोली येथील केएलई महाविद्यालय, रोडपाली येथील क्रीडा मैदान, खांदेश्वर रेल्वे स्टेशन मैदान, रोडपाली सेक्टर-२० अंतर्गत रस्ते, कामोठे अंतर्गत रस्ते येथे वाहनांना उभे राहण्याची सोय केली आहे.

गुजरात, उत्तर प्रदेश, जव्हार, वाडा, पालघर, डहाणू, भिवंडी असे परराज्य आणि इतर ठिकाणांहून येणाऱ्या वाहनांसाठी भारती विद्यापीठ मैदान, खारघर उत्सव चौक, सेक्टर- ५, ६, ७ उत्सव चौक, खारघर सेक्टर- १९, २०, सीबीडी स्थानक वाहनतळ, सेक्टर-११ अंतर्गत रस्ते आदी ठिकाणी पार्किंगची व्यवस्था करण्यात आली आहे.

नाशिक, धुळे, जळगांव, नंदूरबार, जालना, संभाजीनगर, बुलढाणा, अकोला, वाशिम, यवतमाळ, नागपूर, भंडारा, गडचिरोली, चंद्रपूर, मध्य प्रदेश आदी ठिकाणांहून येणाऱ्या वाहनांसाठी पेटगांव, खडकी ग्राऊंड, तळोजा, इनामपुरा ग्राऊंड- १, २, ओवे कॅम्प ग्राऊंड, अमनदूत स्टेशन रोड, वास्तुविहार रोड, तळोजा मध्यवर्ती कारागृह येथे वाहने उभी करण्याची सोय केली आहे.