नवी मुंबईत गढूळ पाण्यावरुन संताप , पालिकेने नागरिकांना पाणी स्वच्छ करण्याचे फिल्टर वाटावेत

नवी मुंबई महापालिकाक्षेत्रात एमआयडीसीमार्फत २ व ३ जून रोजी दुरूस्ती कामांसाठी शटडाऊन घेण्यात आला होता.त्यानंतर ७ जूनला नवी मुंबई महानगरपालिकेच्या मोरबे धरण मुख्य जलवाहिनीवर व भोकरपाडा जलशुद्धीकरण केंद्र येथे मान्सूनपूर्व पाणीपुरवठासंबंधी आवश्यक कामे करण्याकरिता शटडाऊन घेण्यात आले होते.त्यातच १० जूनला नवी मुंबई महानगरपालिकेच्या मोरबे धरण प्रकल्पाची २०२४ मि.मी. व्यासाची मुख्य जलवाहिनी आदई गावाजवळ फुटल्यामुळे महापालिका क्षेत्रात कमी दाबाने पाणीपुरवठा करण्यात आला होता. सदर दुरूस्ती काम तातडीने हाती घेऊन अहोरात्र काम करून युध्दपातळीवर काम पूर्ण करण्यात आले होते. परंतू पालिकेने पाणीपुरवठा सुरू केला पंरतू बेलापूर ते संपूर्ण नवी मुंबईक्षेत्रात गढुळ पाण्याचा पुरवठा सुरु झाल्यामुळे हे पाणी प्यायचे तरी कसे यामुळे बाटलीबंद पाणी विकत घेण्याची वेळ नागरीकांवर आली. त्यानंतरही सातत्याने शहरात गढुळ पाण्याचा पुरवठा होत असल्याने नागरीकांचा संताप अनावर झाला असून पालिका व त्यांचे अधिकारी पाणीपुरवठ्याकडे नीट लक्ष देत नसल्यामुळे शहरात आरोग्याला हानीकारक पाणीपुरवठा होत आहे. त्यामुळे आज सोमवारी जुईनगर विभागातील भाजपचे पदाधिकारी विजय साळे यांनी नेरुळ विभाग अधिकारी कार्यालयात धाव घेत आम्हाला असे पाणीपुरवठा करता व स्वतः बिसलरी बॉटलमधील पाणी पिता असा संताप व्यक्त करत अधिकाऱ्यांना गढुळ पाणी पाजण्याचा प्रयत्न केला.त्यामुळे नवी मुंबई शहरात होणारा पाणीपुरवठा हा घातक असून अश्या पाण्यामुळे कॉलरा तसेच अनेक आजार उद्भभवण्याची शक्यता डॉक्टरांकडूनही व्यक्त करण्यात येत आहे. तर ऐन पावसाळ्याच्या तोंडावर अशा प्रकारे गढुळ पाणीपुरवठा त्यातच पाणीतुटवडा यामुळे नागरीक अधिक संतप्त झाले आहेत. पालिकेने स्वच्छ व शुद्ध पाण्याचा पुरवठा केला नाही तर पालिका आयुक्त व कार्यकारी अभियंता व शहर अभियंता यांना हे गढुळ पाजण्याचा इशारा साळे यांनी दिला आहे. याबाबत पालिका आयुक्त राजेश नार्वेकर व शहर अभियंता संजय देसाई यांना संपर्क केला असता संपर्क झाला नाही.

आणखी वाचा

Yamuna Water Controversy: यमुनेचे पाणी पेटले; ‘अस्वच्छ पाणी जाहीररित्या पिऊन दाखवा’, केजरीवालांचे अमित शाह, राहुल गांधींना आव्हान

‘मुलुंडचे लवकरच नवीन धारावी नामांतर’, संतप्त मुलुंडवासियांकडून मुलुंडमध्ये…

मुंबईकरांना निर्जंतुकीकरण केलेल्या स्वच्छ पाण्याचाच पुरवठा, महापालिका प्रशासनाचा दावा

६३१ वृक्ष तोडण्याचा प्रस्ताव; ठाणे महापालिका मुख्यालयासाठी २०९७ वृक्षांचे पुनर्रोपण

कमिन्स महाविद्यालयाजवळील वाहतूक कोंडी सुटणार ? अडथळा ठरणारी भिंत तसेच दुकाने महापालिका प्रशासनाने काढली

खडकवासला, किरकिटवाडीला शुद्धीकरणाविनाच पाणी !

प्रदूषण रोखण्यासाठी मुंबई महापालिकेचे उपाय कोणते? तरीदेखील प्रदूषण कमी का होत नाही?

पुणे : राडारोडा टाकणाऱ्यांकडे दुर्लक्ष केल्यास अधिकाऱ्यांवर होणार शिस्तभंगाची कारवाई !

नवी मुंबई महापालिकेत मागील काही दिवसापासून वारंवार पाणीपुरवठा खंडीत होत असून शहरात अतिशय गढुळ पाणीपुरवठा होत असल्याने अनेक आजार नागरीकांना होण्याचा धोका आहे. त्यामुळे पालिका वारंवार देखभाल दुरुस्ती करते तेव्हा पालिकेचे अभियंता काय करतात असा प्रश्न निर्माण झाला असून पाणीपुरवठा लाईन खराब झाल्यामुळे व गंजल्यामुळे पाईपलाईन फुटून पाणीपुरवठा खंडीत झाला याला अधिकारीच जबाबदार असून सामान्य नागरीकांना गढूळ पाणी व अधिकारी स्वच्छ पाणी कार्यालयात पितात म्हणून त्यांना गढूळ पाणी पिण्याचा आग्रह करत आवाज उठवला आहे. – विजय साळे, भाजप पदाधिकारी