लग्नातील अनिष्ट रूढींविरोधात जनजागरण

उरण तालुक्यात अनिष्ट रूढी व परंपरांविरोधात जनजागरण करण्यासाठी अनिष्ट प्रथा आणि व्यसनविरोधी समिती स्थापन करण्यात आलेली आहे. या समितीची रविवारी जेएनपीटी कामगार वसाहतीत बैठक झाली. या बैठकीत लग्न, साखरपुडा आदी समारंभावरील वाढता खर्च, त्यातील दारू मटणाच्या मांडवप्रथा आदींना विरोध करीत साध्या व पारंपरिक पद्धतीने लग्न करून त्यातून वाचणारा पैसा मुलांच्या शिक्षणावर खर्च करण्याचे आवाहन या संस्थेच्या जनजागरणातून केले जाणार आहे.
वाढत्या धनसंपत्तीचे प्रदर्शन करण्यासाठी सध्या अनावश्यक खर्चाने लग्न समारंभ साजरे केले जात आहेत. आर्थिकदृष्टय़ा सक्षम नसणाऱ्यांकडून याचे अनुकरण होऊ लागल्याने अनेक समस्या निर्माण होत आहेत. त्यामुळे लग्न, साखरपुडा यावरील अनावश्यक खर्च टाळून हे विधी पारंपरिक पद्धतीने करण्यात यावेत अशी भूमिका वर्षभरापूर्वी स्थापन झालेल्या या समितीने घेतल्याची माहिती समितीचे अध्यक्ष सुधाकर पाटील यांनी दिली आहे. यासाठी समाजातील तरुण आणि उच्चशिक्षित मंडळींनी पुढे येण्याचे आवाहन समितीचे सल्लागार भूषण पाटील यांनी केले आहे. येत्या काळात सुरू होणाऱ्या नव्या लग्नसराईपासून जनजागरणाचे काम करण्यात येणार आहे. त्याकरिता समितीने एक पत्रक प्रसिद्ध केले आहे. यातून प्रबोधनाचा प्रयत्न करण्यात आला आहे. ज्या घरी लग्न ठरले असेल तेथे जाऊन संबंधितांना साधेपणाने लग्न करण्याचे आवाहनही करण्यात येणार आहे.

आणखी वाचा

विरोधकांचे ‘सोयाबीन अस्त्र’ ‘लाडक्या बहीण’चा प्रभाव रोखणार ?

१८ नोव्हेंबर पंचांग: संकष्टी चतुर्थी १२ पैकी कोणत्या…

पिंपरी : आधी मतदानाची शपथ… नंतर विवाह सोहळा…

लाडक्या बहिणींनो, कोणी तुमच्यावर उपकार करत नाही…!

अल्पवयीन पत्नीसोबत सहमतीतून शारीरिक संबंध बलात्कारच, उच्च न्यायालय म्हणाले, ‘पीडितेच्या इच्छेविरोधात…’

“लग्नसंस्था आता आपण समाजानेचं मोडीत काढल्यात…”, घटस्फोटाबाबत बोलताना विशाखा सुभेदारचं वक्तव्य, म्हणाली…

अग्रलेख: नक्की काय बुलडोझ झाले?

‘या’ देशात महिलांना पंचविशीनंतर विवाहास मनाई, प्रस्तावावरून नागरिक संतप्त; कारण काय?