बालाजी समूहाच्या गृहघोटाळ्याचा तपास नवी मुंबई आर्थिक गुन्हे शाखेकडे

मुंबई व ठाणे येथील शेकडो गुंतवणूकदारांना पनवेलमध्ये स्वस्त घरे देण्याचे आमिष दाखवणाऱ्या बालाजी समूहाच्या गृहघोटाळ्याचा तपास नवी मुंबईच्या आर्थिक गुन्हा शाखेकडे शुक्रवारी रात्री वर्ग करण्याचा निर्णय नवी मुंबईचे पोलीस आयुक्त प्रभात रंजन यांनी घेतला आहे. यामुळे या समूहात रक्कम गुंतविलेल्या शेकडो गुंतवणूकदारांना दिलासा मिळाला आहे. गेल्या आठवडय़ाभरापासून नवी मुंबई अ‍ॅक्शन फोरमने बालाजी समूहाचा तपास आर्थिक गुन्हे शाखेने करावा अशी मागणी आयुक्तांकडे केली होती. गृहमंत्रालयातून आलेल्या आदेशानंतर हा निर्णय आयुक्तांनी घेतल्याचे समजते.
१० दिवसांपासून बालाजी समूहाचे संचालक महेंद्र सिंग व बबलू सिंग हे पोलीस कोठडीत आहेत. शेतकऱ्यांच्या हातावर जमीनीचा काही मोबदला देऊन त्या जमिनींवर गृहप्रकल्पाचे फलक लावून घरांची विक्री केल्याने तसेच प्रत्यक्षात गुंतवणूकादारांना घरे न दिल्याने बालाजी समूहाच्या विरोधात फसवणुकीचा गुन्हा दाखल करण्यात आला आहे. तिरुपती बालाजी आणि बालाजी अशा विविध विकासक कंपन्या स्थापन करून त्याचे नामसाधम्र्य राखून हा गुन्हा केल्याचे पोलिसांच्या तपासात आतापर्यंत समोर आले आहे. मात्र गुन्ह्य़ातील रक्कम सिंग व त्याच्या साथीदारांनी कुठे गुंतविली, तसेच त्याचे इतर साथीदार कोण, याचा छडा अद्याप पोलीस लावू शकले नाहीत. २८ एप्रिलला महेंद्र सिंग हा पोलिसांत शरण आल्यानंतर ३ मे ला पनवेल येथील न्यायालयात त्याला हजर करताना तेथे जमलेल्या शेकडो गुंतवणूकदारांनी सिंगच्या विरोधात घोषणाबाजी केल्यामुळे न्यायाधीश अर्चना ताम्हाणे यांनी महेंद्र सिंग याला ११ तारखेपर्यंत पोलीस कोठडीत ठेवून त्याची चौकशी करण्याचे आदेश पोलिसांना दिले. परंतु खांदेश्वर पोलिसांची चौकशी सुरू असतानाच आयुक्तांनी हे प्रकरण आर्थिक गुन्हे शाखेकडे वर्ग केल्याने पोलीस उपायुक्त दिलीप सावंत यांचे पथक हा तपास नव्याने सुरू करणार असल्याचे समजते.

* सुरुवातीला पोलिसांनी या गुन्ह्य़ाच्या तक्रारी दाखल न करून घेतल्याने तक्रारदारांना आंदोलन करावे लागले.
* खांदेश्वर पोलीस ठाण्यात बालाजी समूहाविरोधात फसवणुकीच्या ४ तक्रारी दाखल करण्यात आल्या. आतापर्यंत बालाजी समूहाच्या आदई, सूकापूर, चिपळे व नेरे या गावांमधील गृहप्रकल्पांवर गुंतवणूकदारांनी फसल्याची तक्रार नोंदविली आहे.

आणखी वाचा

Bigg Boss 18: ‘बिग बॉस’ने चाहत पांडेला दिली मोठी पॉवर, नेटकरी म्हणाले, “आता येणार मज्जा…”

IND vs NZ : ऋषभ पंतच्या वादग्रस्त विकेटवर…

अक्कलकोटमध्ये तलवारी,कोयत्यांचा मोठा शस्त्रसाठा जप्त

शहरातील ‘या’ मतदारसंघात होणार ‘घड्याळ’ विरुद्ध ‘तुतारी’ लढत!

सीबीआय अधिकारी असल्याचे सांगत उद्योजकाकडून १२ लाख उकळण्याचा पोलिसांचा प्रयत्न; वाचा काय आहे नेमके प्रकरण?

Video : होणाऱ्या नवऱ्यासह अंकिता पोहोचली कोकणात! आईला मारली घट्ट मिठी; औक्षण झाल्यावर म्हणाली, “आता Bigg Boss…”

कल्याणीनगर अपघात प्रकरण : डॉ. अजय तावरे, डॉ. श्रीहरी हाळनोर यांच्याविरुद्ध खटला चालविण्यास राज्य शासनाची मंजुरी

नवी मुंबईतील बेकायदा बांधकामांवर सहा वर्षे उलटूनही कारवाई नाही, उच्च न्यायालयाचा नियोजन यंत्रणांच्या नाकर्तेपणावर संताप