बांधकाम व्यावसायिक राज कंधारी यांचा मूत्यू

सानपाडा येथील पामबीच येथील राहत्या घरी स्वत:च्या रिव्हॉल्वरने डोक्यात गोळी झाडून घेणारे बांधकाम व्यासायिक राज कंधारी यांचा मंगळवारी उपचारादरम्यान मृत्यू झाला.   राज कंधारी यांनी स्वत:वर गोळीबार करण्यामागचे कारण अद्याप स्पष्ट झालेले नसून पोलीस अधिक तपास  करत आहे.

स्वराज बिल्डर्सचे प्रमुख राज कंधारी हे सानपाडा येथील पामबीच येथील राज उदय इमारतीत ११ व्या मजल्यावर कुटुंबासह राहत होते.  सामेवारी दुपारी कंधारी यांच्या घरामध्ये आई, बहिण व दोन मोलकरणी असताना राज यांनी बेडरुममध्ये स्वत:च्या रिव्हॉल्वरमधून डोक्यात गोळी झाडून आत्महत्या करण्याचा प्रयत्न केला. कंधारी यांना  एमजीएम रुग्णालयात दाखल करण्यात आले होते. कंधारी यांना अतिदक्षता विभागात व्हेंटीलेटरवर ठेवण्यात आले होते. मंगळवारी रात्री ९.३० वाजण्याच्या सुमारास त्यांना मृत घोषित करण्यात आले. आर्थिक अडचणीमुळे त्यांनी आत्महत्या केल्याचा पोलिसांचा अंदाज आहे. काही महिन्यांपूर्वी ठाण्यात बांधकाम व्यावसायिक सूरज परमार यांनी आत्महत्या केली होती. आता राज यांच्या आत्महत्येमुळे बांधकाम व्यावसायिकांमध्ये खळबळ उडाली आहे.