नवी मुंबई : मुंबईहून पुण्याच्या दिशेनं जाणाऱ्या एका कारने बेलापूर खिंड उड्डाणपुलाखाली पेट घेतला. ही बाब लक्षात येताच प्रसंगावधान राखत आतील तीन प्रवासी खाली उतरले. या बाबत सीबीडी अग्निशमन दलास माहिती मिळताच अग्निशमन पथक घटनास्थळी पोहचले आणि त्यांनी कारला लागलेली आग विझवली . ही घटना साडे आठच्या दरम्यान घडली. माहिती सीबीडी अग्निशमन दलाने दिली.
या बातमीसह सर्व प्रीमियम कंटेंट वाचण्यासाठी साइन-इन करा
Already have a account? Sign in
उड्डाणपुलाखालील मार्गावर ही घटना घडली असली तरी त्यामुळे उरण फाटा बस थांब्यावर प्रवासी घेणाऱ्या शहर वाहतूक व नवी मुंबई शहराबाहेर जाणाऱ्या गाड्या तसेच एमआयडीसी ते जेएनपीटी मार्गावरील ट्रक कंटेनर गाड्यांची वाहतूक कोंडी झाली होती. आगीच्या भक्ष्यस्थानी पडलेली गाडी आग विझवल्या नंतर रस्त्याच्या कडेला घेण्यात आली व हळू हळू करीत अर्ध्या तासात वाहतूक सुरळीत झाली अशी माहिती वाहतूक पोलिसांनी दिली.
First published on: 13-07-2023 at 23:37 IST
Navimumbai News (नवी मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: Car catches fire on mumbai pune road leading to heavy traffic zws
Show comments