पनवेल : सेल कंपनीचे काम रोखणाऱ्या कामगारांवर गुन्हा दाखल

पनवेल : कळंबोली येथील सेल कंपनीमध्ये कामगार आणि ठेकेदार यांच्यात मागील दोन महिन्यांपासून संघर्ष सुरू आहे. लोखंडी माल उचलण्यासाठी लोखंडी चुंबक (मायजॅक क्रेन) सेल कंपनीने आणल्याने माथाडी कामगारांचा याला विरोध आहे. मराठी कामगार सेनेच्या प्रतिनिधींसह या संघटनेच्या कामगारांनी बुधवारी सेल कंपनीतील मायजॅक क्रेनचे काम बंद करण्याचा पवित्रा घेतल्यावर पोलिसांनी हस्तक्षेप केला. पोलिसांनी वारंवार सांगूनही कामगार व त्यांच्या प्रतिनिधींनी जमावबंदीचा नियम मोडल्यामुळे कामगार नेते महेश जाधव व इतर ७० कामगारांवर फौजदारी गुन्हा नोंदविण्यात आला आहे.

आणखी वाचा

पुणे: अपहरणानंतर तासाभरात शासकीय ठेकेदाराचा निर्घृण खून, विठ्ठल पोळेकर खून प्रकरणात तिघे अटकेत; मुख्य सूत्रधार पसार

Nana Patole : निकालाआधी राजकीय घडामोडींना वेग; यातच…

भोसरी विधानसभा: पराभव दिसत असल्याने पैसे वाटप केल्याची बदनामी – अजित गव्हाणे

दोन कोटींच्या खंडणीसाठी शासकीय ठेकेदाराचा खून; ग्रामीण पोलिसांकडून एकास अटक; मध्य प्रदेशातून दोघे ताब्यात

पिंपरी : अपहरण, मारहाण प्रकरणी भाजपच्या माजी नगरसेविकेचा पती, माजी स्वीकृत सदस्यासह ११ जणांवर गुन्हा

‘शिकारी खुद यहां शिकार हो गया’, सायबर चोरट्याचा पोलिसाला गंडा घालण्याचा प्रयत्न; नंतर झालं असं काही

रवींद्र वायकर यांच्याविरोधातील जोगेश्वरी भूखंड घोटाळा प्रकरण बंद; गुन्हे शाखेने दाखल केलेला अहवाल न्यायालयाने स्वीकारला

मुंबई : गस्तीवर असलेल्या पोलीस अधिकाऱ्यावर हल्ला

कळंबोली येथील सेल कंपनीमध्ये लोखंडी मालाची आवक जावक होते. या लोखंडी मालाची हाताळणीसाठी शेकडो माथाडी कामगार येथे अनेक वर्षांपासून काम करतात. मायजॅक क्रेन आल्यापासून या माथाडी कामगारांचे वेतन ठेकेदाराकडून कमी मिळत असल्याचा आरोप करुन अण्णासाहेब पाटील माथाडी कामगार संघटनेतून फारकत घेत अनेक माथाडी कामगारांनी वेतनवाढीच्या आशेने महेश जाधव यांचे नेतृत्व स्वीकारले. महेश जाधव यांचे व राज ठाकरेंचे पुत्र अमित ठाकरे यांचे सेल कंपनीच्या माथाडी कामगारांच्या कारणावरुन वाद झाल्याने जाधव यांच्यावर मुंबईला मनसैनिकांनी हल्ला केल्याची घटना घडली.

आणखी वाचा-उरण नगरपरिषदेची गॅसदाहिनी महिनाभरात सुरू होणार

काही दिवसांपूर्वी जाधव यांनी मनसे सोडून राष्ट्रवादी काँग्रेसमध्ये प्रवेश केल्यानंतर सेल कंपनीचे प्रकरण चर्चेत आले. पोलिसांनी जाधव यांच्याविरोधात दाखल केलेल्या फौजदारी कारवाईमध्ये कळंबोलीचे पोलीस कामगार नेते जाधव यांना बुधवारी सेल कंपनीमध्ये मायजॅक क्रेनचे काम ज्या कामगारांना करायचे आहे अशा कामगारांना करू द्या इतर कामगारांनी पोलिसांनी लागू केलेला जमाव बंदीचा नियम मोडल्यास कारवाई करू असा इशारा दिला. या इशाऱ्याला न जुमानल्याने ही कारवाई पोलिसांनी केली आहे.