कोपरखैरणेतील पालिकेच्या बहुउद्देशीय इमारतीतील सीसीटीव्ही यंत्रणा निकामी; चोरीच्या घटनांनी नागरिक हवालदिल

हेही वाचा – रायगड : खारघर हाऊसिंग फेडरेशन सर्वोच्च न्यायालयात दाद मागणार

हेही वाचा – सावधान!… तुम्ही डाऊनलोड केलेले ॲप रिमोट कंट्रोल ॲप तर नाहीत ना ? काही क्षणात बँक खाते रिकामे होईल… वाचा नेमका काय प्रकार आहे? 

नवी मुंबई शहराच्या वाढत्या लोकसंख्येचा आलेख पाहता या ठिकाणी होणारे लग्न सोहळे व इतर सांस्कृतिक कार्यक्रमांसाठी हॉल कमी पडू लागले आहेत. त्यात लग्नसराईमध्ये हॉलचालक अव्वाच्या सव्वा भाडे आकारातात. त्यामुळे नवी मुंबईकरांना वातानुकूलित व कमी भाड्यात लग्न सोहळे, तसेच इतर कार्यक्रमांसाठी महापालिकेने शहरात बहुउद्देशीय भवन उपलब्ध करून दिले आहेत. कोपरखैरणे येथील अण्णासाहेब पाटील स्मृतिभवन सुरू करून ३ वर्षांहून अधिक कालावधी लोटला आहे. हॉल भाडे सर्वसामान्यांच्या आवाक्यात असल्याने दिवसेंदिवस नागरिकांची पसंती वाढत आहे. परंतु या ठिकाणी लावण्यात आलेली सीसीटीव्ही यंत्रणा बंद असल्याने नागरिकांच्या सामानाची चोरी होत आहे, असे मत नागरिक तुषार झगडे यांनी व्यक्त केले. त्यामुळे या ठिकाणी महापालिकेने सीसीटीव्ही यंत्रणा लवकर सुरू करण्याची मागणी होत आहे.