पनवेलमध्ये राममय वातावरण

दुपारी साडेबारा वाजता श्री राम मूर्तीची प्राणप्रतिष्ठा झाल्यानंतर रामभक्तांनी एकच जल्लोष केल्याचे पाहायला मिळाले. एकमेकांना लाडू भरवून आणि नाचून भक्तांनी हा आनंद व्यक्त केला. भजन, किर्तन, रामनामाचा जप, सुंदरकांड, रामरक्षा पठन असे विविध धार्मिक सोहळ्याचे सामुहिक कार्यक्रम मंदीरांसह विविध गृहनिर्माण सोसायट्यांमध्ये करण्यात आले. शहरांप्रमाणे गावपातळीवर तेवढाच उत्साह राम भक्तांमध्ये दिसत होता. सोमवारचा श्री राम प्राणप्रतिष्ठा दिवस साजरा करण्यासाठी पनवेलमधील ७० हून अधिक गावांमध्ये महिलांनी स्वच्छता मोहीम शनिवार व रविवारपासून हाती घेतली. यामध्ये गावातील मुख्य रस्ते, मंदीरांचा परिसर पाण्याने धुवून स्वच्छ कऱण्यात आला. तसेच रस्त्यांकडेला रांगोळी काढण्यात आली. या स्वच्छता मोहीमेमध्ये महिलांना तरुणांची साथ मिळाली.

आणखी वाचा

गोराईमधील आदिवासी पाड्यांतील रहिवाशांची वनहक्क समिती, येऊ घातलेल्या प्रकल्पांसाठी समिती

Pompeii: २५०० वर्षांपूर्वी भारतीय लक्ष्मी इटलीमध्ये कशी पोहोचली?

Video Viral : “बायकोला तिळगूळ देणे ही अंधश्रद्धा!”, हातात पोस्टर घेऊन रस्त्यावर उभा राहिला तरुण, नेटकरी, म्हणे, “भावा…”

दीड कोटी भाविकांचे पवित्र स्नान; भक्तिमय वातावरणात महाकुंभाला सुरुवात

‘महाकुंभ’ आज पासून ; पौष पौर्णिमेनिमित्त पहिले शाही स्नान; ४५ दिवस प्रयागराजमध्ये भक्तांचा महासागर

अयोध्येत रामभक्तांची गर्दी ; रामलल्लाच्या प्राणप्रतिष्ठेचा पहिला वर्धापन दिन सोहळा

भय तिथले संपत नाही… केसगळती, टक्कल साथीचा शेजारी तालुक्यातही शिरकाव; रुग्णसंख्या दीडशेच्या घरात

एक धाव देशासाठी….युवा दौड संपन्न, रौप्य महोत्सवी वर्षानिमित्त श्रीकौपिनेश्वर सांस्कृतिक न्यासचा उपक्रम

हेही वाचा…नवी मुंबईतील मंदिरांची स्वच्छता

शहरामध्ये भगव्या झेंड्यांची विक्री मोठ्या प्रमाणात झाल्याचे पाहायला मिळाले. ५० ते पाचशे रुपयांमध्ये एक झेंडा विक्री केला जात होता. रिक्षाचालक, दुचाकीचालक तसेच मोटारींवर हे झेंडे लावून गाड्या शहराच्या रस्त्यावरुन धावत होत्या. रविवारपासून ‘श्री रामा’च्या नामाची घोषणा शहरीभागात देणारे दुचाकीस्वार शहरातील रस्त्यावरुन फिरत होते. पनवेल शहरातील शिवाजी रोड मार्गावरील राम मंदीरात विशेष आरास करण्यात आली होती. शिवाजी मार्गावर विरुपाक्ष मंदीर, हनुमान मंदीर अशा ठिकाणी रस्त्यावर पताका लावून सोमवारच्या प्राणप्रतिष्ठा दिवस साजरा करण्यात आला. आकुर्ली गावामध्ये भजन किर्तनासोबत अयोध्या येथील श्री राममंदीरातील प्राणप्रतिष्ठा सोहळ्याचे थेट प्रेक्षपण गावक-यांसाठी आयोजित करण्यात आले होते.