मोदी सरकार अन् कमळाचे चिन्ह यांची विना परवाना जाहीरात करणाऱ्यांविरोधात कामोठेत गुन्हा दाखल

कामोठे येथील सेक्टर ३४ मधील कुपणाच्या भिंतीवर फिरसे एकबार मोदी सरकार असा संदेश लिहून त्याशेजारी कमळाचे चिन्ह काढले होते. कामोठेच्या दक्ष नागरिकांनी याबाबत सिव्हीजील (CIVGIL) अ‍ॅपवर निवडणूक आयोगाकडे तक्रार केल्यावर मावळ लोकसभा मतदार संघाचे निवडणूक निर्णय अधिकारी दिपक सिंघला (पी.एम.आर.डी.ए.चे अतिरीक्त आयुक्त) सहाय्यक निवडणूक निर्णय अधिकारी राहुल मुंडके (उपविभागीय अधिकारी पनवेल) यांच्या मार्गदर्शनाखाली निवडणूक आयोगाने नेमलेले पथक काही मिनिटांत घटनास्थळी पोहचले. भिंतीवरील राजकीय संदेश पुसून टाकण्यात आला आणि कामोठे पोलीस ठाण्यात संदेश लिहिणाऱ्या अनोळखी व्यक्तींविरोधात गुन्हा दाखल करण्यात आला.

आणखी वाचा

तुटपुंजी भरपाई देण्याएवढा माणसाचा जीव स्वस्त नाही – उच्च न्यायालय

Pompeii: २५०० वर्षांपूर्वी भारतीय लक्ष्मी इटलीमध्ये कशी पोहोचली?

संजय गांधी उद्यान अतिक्रमणमुक्तच हवे, उच्च न्यायालयाचे राज्य सरकारला खडेबोल

डोंबिवलीत बेकायदा फलक लावणाऱ्या आस्थापनांवर फौजदारी गुन्हे, पाच हजार फलकांवर कारवाई

करभरणा प्रक्रिया सुलभ करण्यासाठी प्रयत्न गरजेचे, महापालिका आयुक्त भूषण गगराणी यांची सूचना

विश्लेषण : वाहतूक नियम मोडणारे दाखवा नि बक्षीस मिळवा… व्हिएतनाममधील अनोख्या उपायाची भारतातही नेटकऱ्यांमध्ये काय चर्चा?

संभलमधील स्थिती ‘जैसे थे’, न्यायालयाचा आदेश; विहिरीबाबत कार्यवाही करण्यास मज्जाव

ठाण्यात कर थकबाकीदारांवर कारवाईची चिन्हे, ठाणे महापालिका आयुक्तांनी दिले कारवाईचे आदेश

हेही वाचा…‘मॅन इन मिडल अटॅक’ म्हणजे काय? व्यापाऱ्याची १ कोटी ५४ लाखांची फसवणूक 

आचारसंहितेचे उल्लंघन होऊ नये या करिता मावळ लोकसभा मतदारसंघातील पनवेल विधानसभा क्षेत्रात ६ भरारी पथके नेमण्यात आली आहेत. नागरिकांना सिव्हीजील (CIVGIL) अ‍ॅपव्दारे आचारसंहिता भंग झाल्यास तक्रार करण्याची सुविधा उपलब्ध करून देण्यात आलेली आहे. तक्रारीनंतर १० मिनिटांत निवडणूक आयोगाचे पथक घटनास्थळी भेट देणार तसेच पुढील ९० मिनिटांत या तक्रारींवर कारवाई करुन त्याचा अहवाल निवडणूक आयोगाला देणार आहे. रविवारच्या प्रकरणात कामोठे पोलीस ठाण्यात महाराष्ट्र मालमत्ता विरूपनास प्रतिबंध अधिनियम १९९५ चे कलम ३ व महानगर पालिका अधिनियम १९४९ चे कलम २४४ व २४५ अन्वये दाखल करण्यात आली आहे.

हेही वाचा…उदयनराजे यांना तीन दिवस भेट मिळत नाही याचं वाईट वाटतं – माथाडी नेते नरेंद्र पाटील

यापुढेही ३३ मावळ लोकसभा मतदार संघामधील १८८ पनवेल विधानसभा मतदार संघामध्ये आदर्श आचारसंहितेचे काटेकोरपणे पालन करण्यात येणार असून, आदर्श आचारसंहितेचा भंग करणाऱ्या व्यक्तींवर कायदेशीर कारवाई तसेच संबंधीत अधिनियमान्वये गुन्हे दाखल करण्यात येणार आहेत. -राहुल मुंडके, सहाय्यक निवडणूक निर्णय अधिकारी, मावळ मतदारसंघ