नवी मुंबईत गुन्हे उकल टक्केवारीत प्रगती

सन २०२२ मध्ये जानेवारी ते नोव्हेंबरदरम्यान ५ हजार ८११ विविध गुन्ह्यांची नोंद झाली होती, तर ३ हजार ७८४ गुन्ह्यांची उकल झाली होती. २०२३ मध्ये जानेवारी ते नोव्हेंबरदरम्यान ६ हजार १२८ गुन्ह्यांची नोंद, तर ४ हजार ४८० गुन्हे उकल करण्यात आले. २०२२ च्या तुलनेत २३ मध्ये गुन्ह्यांची नोंद जास्त असली तरी २०२२ मध्ये एकूण ६५ टक्के गुन्हेउकल झाली, तर यंदा हेच प्रमाण ७३ टक्के झाले आहे.

आणखी वाचा

मावळचे वातावरण तापले! तालुक्यातून १०१ गुन्हेगार हद्दपार

D. Y. Chandrachud : संजय राऊतांच्या टीकेवर माजी…

आहे चटकदार पण…

नाशिक: सिडकोत पोलीस संचलन

पिस्तूल बाळगणारा सराइत गजाआड, कात्रज बाह्यवळण रस्ता परिसरात कारवाई

वाहतूक पोलिसांना धक्काबुक्की करणाऱ्या दाम्पत्याविरुद्ध गुन्हा, कारवाई टाळण्यासाठी बनावट वाहन क्रमांकाची पाटी

‘शिकारी खुद यहां शिकार हो गया’, सायबर चोरट्याचा पोलिसाला गंडा घालण्याचा प्रयत्न; नंतर झालं असं काही

आतापर्यंतचा सायबर पोलीस ठाण्याचा आढावा घेतला असता इतर पोलीस आयुक्तालयांच्या तुलनेत चांगली कामगिरी सुरू आहे.

हेही वाचा… शहराचे कारभारी पाठविणारे तुम्ही कोण? गणेश नाईकांच्या प्रश्नामुळे नवी मुंबईतील सत्तासंघर्ष उघड

शहरात आत्महत्येच्या प्रमाणात तब्बल नऊने वाढ झाली असून २०२२ मध्ये नऊ जणांनी आत्महत्या केल्या होत्या, तर २०२३ मध्ये २३ जणांनी स्वत: होऊन आपले जीवन संपवले. महिला अत्याचारात किंचित घट झाली असून २०२२ मध्ये ६८८ घटनांची नोंद झाली होती, तर २०२३ मध्ये ६८१ गुन्ह्यांची नोंद झाली आहे.

आयुक्तांनी पदभार स्वीकारताच वाहतूक व्यवस्था, सायबर गुन्हेगारी आणि अमली पदार्थविरोधी कठोर कारवाईचे मनसुबे स्पष्ट केले होते. त्यानुसार ११ मे २०२३ ला आयुक्तालय क्षेत्रातील पहिले सायबर पोलीस ठाणे सुरू करण्यात आले. हे पोलीस ठाणे सुरू होताच सायबर गुन्ह्यांची उकल होणे सुरू झाले. त्यात सेक्सोर्शन, नोकरीचे आमिष दाखवून फसवणूक, इतर ऑनलाइन फसवणूक आदी गुन्ह्यांची उकल होणे सुरू झाले. यासाठी सायबर विषयात उत्सुक असलेल्या पोलीस कर्मचाऱ्यांना प्रशिक्षण देण्यात आले.

हेही वाचा… पाताळगंगे’च्या पाण्यासाठी नवी मुंबईचे प्रयत्न; नव्या प्रकल्पांमुळे लोकसंख्येत मोठी वाढ होण्याच्या शक्यतेमुळे जलसंपदा विभागाला पत्र

३१ डिसेंबर २०२२ ला अमली पदार्थविरोधी कारवाई करताना वर्षाचा शेवट व नवीन वर्षाची सुरुवात करताना नायजेरियन टोळीच पकडण्यात आली. यात पाच महिलांचा समावेश होता. या कारवाईने नवीन आलेल्या आयुक्तांनी आपल्या कामाची चुणूक दाखवली होती. तसेच नुकतेच गेल्या आठवड्यात खोपोलीनजीक एमडी हा अमली पदार्थ बनविणारा कारखाना उद्ध्वस्त करतानद्पाच लोकांना अटक करीत लाखो रुपयांचा अमली पदार्थ जप्त केला. याशिवाय हुक्का पार्लर, अवैध मद्या विक्री, फिरस्तीप्रमाणे मद्या विक्री करणारे अशा लोकांवरही कडक कारवाई केली गेली. नवी मुंबई पोलीस विभागात सध्या उत्साहाचे वातावरण आहे. कारण पोलीस विभागातील कर्मचारी आणि त्यांच्या कुटुंबीयांसाठी विविध उपक्रम राबवत आहेत. २०२३ मध्ये नवी मुंबई पोलीस क्षेत्रात सर्वात महत्त्वाची घटना म्हणजे सायबर पोलीस ठाण्याची उभारणी झाली आहे.