नवी मुंबई : वेदांत फॉक्सकॉन कंपनी गुजरातला राज्य सरकारच्या विरोधात राष्ट्रवादीची निदर्शने

वेदांत फॉक्सकॉन गुजरातला गेल्याने राज्य शासनाच्या विरोधात नवी मुंबईतील वाशी येथे राष्ट्रवादी काँग्रेस विद्यार्थी सेलने निदर्शने करण्यात केली. राजकीय आकसापोटी रोजगाराच्या संधी गमावणे युवकांना पर्यायाने राज्याला परवडणारे नाही असा आरोपही करण्यात आला.महाराष्ट्रात होत असलेल्या वेदांत फॉक्सकॉन कंपनीचा तब्बल दोन लाख कोटी गुंतवणुकीचा आणि दीड लाख नोकऱ्या निर्माण करणारा प्रकल्प केंद्र व राज्य शासनाने दुर्लक्षित केला आणि तो गुजरातच्या दावणीला नेऊन बांधला. आपल्या राज्यातील तब्बल दीड लाख रोजगार उपलब्ध झाला असता.