नवी मुंबई: वाशी कोपरी सिग्नल…बनलाय चक्का जाम सिग्नल

वाहतूक पोलिसांनी या सिग्नलच्या ठिकाणी रम्बलर तसेच मार्गिका साठी रबरचे खांबे उभे केले आहेत.परंतु या कोपरी चौकात गाड्यांची प्रचंड गर्दी होत असल्याने वाहनचालक रबरी खांबांच्या मर्गिकेच्या बाहेर गाड्या उभ्या करतात.त्यामुळे या ठिकाणची वाहतूक कोपरी पुलाच्या दोन्ही बाजूला कायम असते.तसेच याच कोपरी सिग्नल पासून आरेंजा कॉर्नर पर्यंत गाड्यांची दुतर्फा पार्किंग असते. शहरातील नो पार्किंग जागेतच पार्किंगची भाऊगर्दी पाहायला मिळत आहे. पार्किंगसाठी जागाच अपुऱ्या पडत असल्याने नो पार्किंगच्या ठिकाणीच वाहनांची गर्दी पाहायला मिळत आहे. त्यामुळे गाड्या पार्क करायच्या तरी कुठे असा प्रश्न पडत असल्याची खंत व्यक्त केली जात आहे.

आणखी वाचा

पुढील स्थानक ‘चुकीचे’! धावत्या लोकल गाड्यांमधील चुकीच्या उद्घोषणांमुळे संभ्रमावस्था

Ravindra Chavan : ‘उपरा’ डोंबिवलीकर ते भाजप प्रदेश…

‘आया मेरा भाई आया’ म्हणत गुंड कसबेची येरवड्यात वाहन फेरी; गुन्हेगारांचे समर्थन करणाऱ्या रिल्सवर कडक कारवाई केव्हा?

घोडबंदर मार्गावर मेट्रोच्या कामासाठी अवजड वाहतूकीला बंदी; ठाणे वाहतूक पोलिसांनी काढली अधिसुचना

रस्ते, उड्डाणपुलांमुळे प्रसिद्ध नागपुरात एक रस्ता असाही आहे जो २५ वर्षापासून…

Video : काटई कर्जत राज्यमार्गावर मोठी वाहतूक कोंडी; नोकरदार, दूर पल्ल्याचे प्रवासी अडकले

३४ वर्षांपासून चळवळीत… १७० हून अधिक गुन्हे, चार राज्यांत १ कोटींचे बक्षीस… नक्षलींची ‘गॉडमदर’ तारक्काचे आत्मसमर्पण का महत्त्वाचे?

कल्याण-डोंबिवलीत बेदरकारपणे मोटार, दुचाकी चालविणाऱ्यांवर कारवाई; नाकाबंदीसाठी ६१७ पोलीस तैनात

हेही वाचा: उरण तालुक्यातील अंतर्गत रस्ते दुरुस्तीच्या प्रतीक्षेत

नवी मुंबई शहरात वाशी ते कोपरी पामबीच मार्गावर दिवसेंदिवस बेकायदा पार्किंगचा प्रश्न अतिशय बिकट बनत चालला असून बेलापूर किल्ले गावठाण चौकापासून वाशीपर्यंत पामबीच मार्गावर कोठेही पार्किंग होत नसताना वाशी उपनगर लागताच रस्त्याच्या दुतर्फा पामबीच मार्गावर पार्किंगचा प्रश्न गंभीर होत चालला आहे. शनिवार व रविवारी तर सतरा प्लाझा समोरील बेकायदा पार्किंगवर तात्पुरती कारवाई केली जाते.परंतू वारंवार कारवाई करुनही पार्किंगचा प्रश्न सर्वच ठिकाणी जैसे थे असल्याचे पाहायला मिळत आहे.शहराअंतर्गत पार्किंगचा पुरता बोजवारा उडत आहे.कार्यालयीन वेळाबरोबरच संध्याकाळच्यावेळीही घराबाहेर पडणाऱ्या नागरीकांना पार्किंग करायचे तरी कुठे असा प्रश्न सातत्याने पडत आहे. बेलापूर ते दिघा प्रत्येक विभागात पार्किंगचा बोजवारा उडाला आहे.पार्किंग जागांपेक्षा गाड्या जास्त असे चित्र शहरात सर्वत्र दिसत आहे.

हेही वाचा: नवी मुंबई : ४ दशकांपासून प्रलंबित प्रकल्पग्रस्तांच्या घरांचा प्रश्न निकाली, दरही कमी केले

नवी मुंबईचा क्विन नेकलेस असलेल्या पामबीच मार्ग हा वेगवान व देखणा मार्ग म्हणून प्रसिद्ध आहे.परंतू याच मार्गावर वाशी रेल्वे उड्डाणपुल सोडताच वाशी उपनगराला सुरुवात होते.या उपनगराच्या पहिल्याच आरेंजा सिग्नलपासून ते कोपरी उड्डाणपुलापर्यंत बेकायदा पार्किंग पाहायला मिळते. येथील पार्किंगचा प्रश्न जैसे थे आहे.शहरात वाहतूक विभागामार्फत बेकायदा पार्किंगवर कारवाई केली जाते.परंतू त्यांनाही मर्यादा येत असल्याचे चित्र आहे. सिडकोकडून पालिकेला पार्किंगसाठी मिळणाऱे भूखंड अद्याप लालफितीतच अडकले आहे. त्यामुळे शहरात पार्किंगबाबत ठोस उपाययोजना न झाल्यास नियोजित नवी मुंबई शहरात पार्किंग धोरणाचे तीन तेरा वाजतच राहणार असे चित्र आहे.शहरात खाजगी आस्थापना पार्किंगबाबत हात वरत असल्याने वाहने रस्त्यावरच पार्किंग होत असल्याचे चित्र आहे.त्यामुळे पार्किंगचा प्रश्न आगामी काळात अधिक गंभीर होणार असल्याचे चित्र आहे.

वाहतूक विभागाच्या कारवाईची धास्ती झाली कमी….

नवी मुंबई शहरात बेकायदा पार्किंगबाबत वाहतूक विभागाद्वारे कारवाई करण्यात येते पण वाहनांची संख्या व संबंधित स्थानिक आस्थापनांनी ठोस उपाययोजना करण्याची आवश्यकता आहे. गाडी लावायला जागाच नसते. त्यामुळे जागा मिळेल तिथे पार्किंग केले जाते.

नवी मुंबईत वाहतूकोंडीमुळे वाहन चालवणे कठीण होत आहे.आगामी काळात दुचाकी,चारचाकी वाहन घराबाहेर घेवून जायचे की नाही असा प्रश्न पडतो. – रुपेश शर्मा,वाशी